قازاقستان پوليسەيلەرى ەسىرتكىنىڭ ترانزيت ارنالارىن جابۋعا باعىتتالعان شارالار قولدانىپ جاتىر. جامبىل وبلىسىندا ارنايى ءىس-شارالار بارىسىندا 120 كگ دايىن ءونىم مەن ەسىرتكى جاساۋعا ارنالعان شيكىزات تاركىلەندى، دەپ حابارلايدى infohub.kz سايتى.
ىشكى ىستەر مينيسترلىگىنىڭ اقپاراتتىق مەدياپورتالىنىڭ مالىمەتىنشە، مەركى اۋدانىنداعى قاراسۋ اۋىلىنىڭ ماڭىندا جەراستى تاينيگىنەن 20 كگ ماريحۋانانى الىپ جاتقان جەرىنەن جەرگىلىكتى تۇرعىن ۇستالدى. ول بۇرىن ەسىرتكى ساتقانى ءۇشىن بىرنەشە رەت سوتتالعان.
شۋ اۋدانىندا ءبىر زاۋىتتىڭ ماڭىندا كەپتىرىلگەن ماريحۋانا سالىنعان بەس قاپ تولى تاينيكتى قازىپ اشىپ جاتقان ءۇش جەرگىلىكتى تۇرعىن ۇستالدى. تاركىلەنگەن ەسىرتكىنىڭ جالپى سالماعى 72 كگ بولدى. ۇستالعانداردىڭ ەكەۋى بۇرىن ەسىرتكىنىڭ زاڭسىز اينالىمى ءۇشىن قىلمىستىق جاۋاپكەرشىلىككە تارتىلعانى بەلگىلى بولدى.
سونىمەن قاتار تۇركسىب ستانسياسىندا شۋ — ءتاتتى تەمىرجول ارالىعىندا ەكى جەرگىلىكتى تۇرعىن ۇستالىپ، ولاردان 25 كگ قۇرامىندا ەسىرتكىسى بار قاراسورا وسىمدىگى تاركىلەندى.
ەسىرتكىنى اسا ءىرى مولشەردە ساقتاۋدىڭ بارلىق فاكتىسى بويىنشا قازاقستان رەسپۋبليكاسى قىلمىستىق كودەكسىنىڭ 296-بابىنىڭ 4-بولىگى بويىنشا سوتقا دەيىنگى تەرگەپ-تەكسەرۋ باستالدى. ۇستالعاندار ۋاقىتشا ۇستاۋ يزولياتورىنا قامالدى.