ورالدا كاسىپكەر قۇنى 10 ميلليون تەڭگە بولاتىن قۇرىلىس ماتەريالدارىن قايتارىپ الدى. ولاردى الاياقتار ۇرلاپ كەتە جازداعان ەدى، دەپ حابارلايدى infohub.kz سايتى.
كاسىپكەر الەۋمەتتىك جەلىدە ايتقانداي، ونىڭ كومپانياسى ءىرى سوماداعى قۇرىلىس ماتەريالدارىنان ايىرىلا جازدادى. ونىڭ ايتۋىنشا، ولار تاۋاردى جۇك كولىگىنە وزدەرى تيەپ، الاياققا جىبەرمەك بولعان، ءبىراق تولەم تاپسىرماسىنىڭ جالعان ەكەنىن ۋاقىتىندا انىقتاپ، پوليسياعا حابارلاسقان.
«ەڭ قىزىعى، ءبىز تاۋاردى جۇك كولىگىنە ءوزىمىز تيەپ، الاياققا جىبەرمەك بولدىق. الايدا تولەم تاپسىرماسىنىڭ جالعان ەكەنى انىقتالعان بويدا ءبىز دەرەۋ پوليسياعا حابارلاستىق. قىزمەتكەرلەر وتە جىلدام ارەكەت ەتتى: ولار اقپاراتتى بىردەن ەكيپاجدارعا جەتكىزدى. ءبىز ۋاقىت ساناۋلى ەكەنىن جانە كولىكتى كەز كەلگەن ساتتە ءتۇسىرۋى مۇمكىن ەكەنىن تۇسىندىك. مازاسىز كۇتۋ ساتتەرى ءوتتى، كوپ ۇزاماي بىزگە كولىكتىڭ تراسسادا ۇستالعانى جانە پوليسيا قىزمەتكەرلەرىنىڭ سۇيەمەلدەۋىمەن ءبىزدىڭ بازاعا بەت العانى حابارلاندى. ءبىراز ۋاقىتتان كەيىن ءبىز جوعالتتىق دەپ ەسەپتەگەن سول مونتاج كوبىگى قايتادان ءبىزدىڭ اۋماقتا بولدى»، — دەدى كاسىپكەر.
اۆتور باتىس قازاقستان وبلىسى پوليسيا دەپارتامەنتىنىڭ قىزمەتكەرلەرىنە كاسىبيلىگى مەن جەدەلدىگى ءۇشىن العىس ءبىلدىردى. پوليسيادا بۇل وقيعا 20 تامىزدا ورالدا بولعانىن ناقتىلادى. جەدەل-ىزدەستىرۋ ءىس-شارالارىنىڭ ناتيجەسىندە مونتاج كوبىگى تيەلگەن جۇك كولىگى ۇستالىپ، تاۋار يەسىنە تولىق كولەمدە قايتارىلدى.