الەۋمەتتىك جەلىلەردە ىسكەرلىك كوستيۋم كيگەن ەر ادامنىڭ ونلاين-جينالىس كەزىندە جۇمىس ورنىندا ەلەكتروندىق تەمەكى شەگىپ وتىرعان ۆيدەوسى تارادى. جازباداعى ادام قاراعاندى وبلىسىنىڭ دەپۋتاتى بولۋى مۇمكىن ەكەنى ايتىلادى، دەپ حابارلايدى infohub.kz سايتى.
«قاراعاندى وبلىسى وساكاروۆ اۋداندىق ءماسليحاتىنىڭ ءتوراعاسى قانات ساققۇلاقوۆقا وتە ۇقسايتىن ادام جينالىس كەزىندە جۇمىس ورنىندا تەمەكى شەگىپ وتىر، ال قاراپايىم ازاماتتار قوعامدىق ورىنداردا تەمەكى شەككەنى ءۇشىن بىردەن جاۋاپكەرشىلىككە تارتىلادى»، — دەلىنگەن Egov.press Telegram-ارناسىندا.
قاراعاندى وبلىسى پوليسيا دەپارتامەنتى NUR.KZ تىلشىسىنە ۆيدەودا شىنىمەن اۋداندىق ءماسليحات ءتوراعاسى بەينەلەنگەنىن راستادى.
«الەۋمەتتىك جەلىلەردى مونيتورينگىلەۋ بارىسىندا پوليسيا قىزمەتكەرلەرى Zoom پلاتفورماسى ارقىلى وتكەن ونلاين-جينالىس كەزىندە قىزمەتتىك كابينەتتە ەر ادامنىڭ ەلەكتروندىق تەمەكى شەگىپ وتىرعانىن كورسەتەتىن بەينەجازبانى انىقتادى. تەكسەرۋ قورىتىندىسى بويىنشا ازاماتتىڭ جەكە باسى انىقتالدى. ول قاراعاندى وبلىسى وساكاروۆ اۋدانىنىڭ ءماسليحات ءتوراعاسى بولىپ شىقتى»، — دەدى ۆەدومستۆونىڭ ءباسپاسوز قىزمەتى.
وسى فاكتى بويىنشا ول اكىمشىلىك جاۋاپكەرشىلىككە تارتىلىپ، ايىپپۇل سالىندى.
قاراعاندى وبلىسى پوليسيا دەپارتامەنتى لاۋازىم، مارتەبە نەمەسە قوعامدىق جاعداي زاڭ تالاپتارىن ساقتاۋ مىندەتىنەن بوساتپايتىنىن اتاپ ءوتتى.
«زاڭ مەن ءتارتىپ بارلىعىنا بىردەي، ەشكىمگە دە ەرەكشەلىك جوق»، — دەپ قوستى ۆەدومستۆو.
وساكاروۆ اۋداندىق ءماسليحاتى اپپاراتىنىڭ رەسمي سايتىنداعى اقپاراتقا سايكەس، ونىڭ ءتوراعاسى — قانات ساققۇلاقوۆ.