وسكەمەندە ەسىرتكى جانە پسيحوتروپتىق زاتتاردى ەرەكشە ءىرى مولشەردە تاراتتى دەگەن كۇدىككە ىلىنگەن 20 جاستاعى جىگىت ۇستالدى، دەپ حابارلايدى infohub.kz سايتى.
شىعىس قازاقستان وبلىسى پوليسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى باسقا قالانىڭ 20 جاستاعى تۇرعىنىنىڭ زاڭسىز ارەكەتىن توقتاتتى.
جىگىت الەۋمەتتىك جەلىلەردە «جۇمىس» تۋرالى حابارلاندىرۋدى تاۋىپ، ۇسىنىسقا كەلىسكەنى انىقتالدى. «وسىلايشا ول قاپتاۋشى بولدى: كۋراتوردىڭ نۇسقاۋى بويىنشا تىيىم سالىنعان زاتتاردىڭ ءىرى پارتيالارىن الىپ، ولاردى ۇساقتاپ، جاسىرىن ورىندارعا سالۋعا دايىندادى. ماۋسىم ايىندا جىگىت وسكەمەنگە كەلىپ، بۇل ارەكەتىن جالعاستىردى. ەڭبەكاقىسىن كريپتوۆاليۋتامەن الدى»، — دەپ مالىمدەدى پوليسيا دەپارتامەنتىندە.
جەدەل ءىس-شارالار بارىسىندا پوليسەيلەر كۇدىكتىنىڭ ىزىنە ءتۇستى. ونىڭ ريۋكزاگىنەن قوڭىر ءتۇستى زات سالىنعان ەكى وراما تابىلدى. ول تۇرعان پاتەردە ءتارتىپ ساقشىلارى تاعى بىرنەشە وراما زات، زيپ-پاكەتتەر، يزولەنتا جانە ەلەكتروندى تارازى تاپتى.
ساراپتاما الىنعان زاتتاردىڭ قۇرامىندا α-PVP جانە مەفەدرون بار ەكەنىن كورسەتتى — جالپى سالماعى 510 گرامنان اسادى، سونداي-اق گاشيش — 520 گرامنان اسادى. بارلىعى زاڭسىز اينالىمنان ءبىر كيلوگرامنان استام ەسىرتكى جانە پسيحوتروپتىق زاتتار الىندى.
كۇدىكتى ۇستالىپ، ۋاقىتشا ۇستاۋ يزولياتورىنا قامالدى. قىلمىستىق ءىس قوزعالدى.