پاۆلودار وبلىسىندا بۇكىل قازاقستان بويىنشا ءۇش جىل بۇرىن ارەكەت ەتكەن HAS قارجى پيراميداسىنىڭ تاعى 139 زارداپ شەككەنى انىقتالدى. بۇل تۋرالى infohub.kz سايتى حابارلايدى.
قارجى پيراميداسى قازاقستاندا 2022–2023 جىلدارى جۇمىس ىستەگەن. وتكەن جىلى سوت بەس سىبايلاستى كىنالى دەپ تانىپ، ولاردى 6 جىلدان 12 جىلعا دەيىن باس بوستاندىعىنان ايىردى. سول كەزدە 376 زارداپ شەككەن انىقتالىپ، جالپى شىعىن سوماسى 2 ملرد تەڭگەدەن اسقان ەدى.
پروكۋراتۋرانىڭ مالىمەتىنشە، توپتىڭ ۇيىمداستىرۋشىسى سولتۇستىك قازاقستان وبلىسىنىڭ تۋماسى بولعان. ول سىبايلاستارىمەن بىرگە استانا، الماتى، پاۆلودار، ەكىباستۇز جانە باسقا قالالاردىڭ تۇرعىندارىنىڭ اقشاسىن تارتقان. سالىمشىلارعا 70 پايىزعا دەيىن تابىس ۋادە ەتىلگەن — بۇل قاراجات تارتۋدىڭ نەگىزگى ءتاسىلى بولعان.
الايدا ۇكىم شىققاننان كەيىن پروكۋراتۋرا تەرگەۋدى جالعاستىرىپ، تاعى 139 زارداپ شەككەندى انىقتادى. جاڭا ءمان-جايلار بويىنشا قوسىمشا تەرگەۋ جۇرگىزىلىپ، ءىس قايتادان سوتقا جولداندى. پروكۋراتۋرا حابارلاماسىندا: «سوتتا مەملەكەتتىك ايىپتاۋشى نانىمدى دالەلدەمەلەر ۇسىنىپ، قىلمىستىق سحەمانىڭ مەحانيزمىن جانە ونىڭ زارداپ شەككەندەر ءۇشىن سالدارىن اشتى. ازاماتتاردىڭ م ۇلىكتىك مۇددەلەرىن قورعاۋعا جانە بۇزىلعان قۇقىقتاردى قالپىنا كەلتىرۋ قاجەتتىلىگىنە ەرەكشە نازار اۋدارىلدى. سوت مەملەكەتتىك ايىپتاۋشىنىڭ ۇستانىمىمەن كەلىستى: كىنالى ادامدار ۇزاق مەرزىمگە باس بوستاندىعىنان ايىرىلدى»، — دەلىنگەن.
جاڭا دەرەكتەردى ەسكەرە وتىرىپ، زارداپ شەككەندەردىڭ جالپى سانى 515 ادامعا، ال شىعىن سوماسى شامامەن 3 ملرد تەڭگەگە جەتتى. قاراجاتتىڭ ءبىر بولىگى ءقازىردىڭ وزىندە وتەلدى. سوتتالعانداردان قىلمىستىق جولمەن الىنعان م ۇلىك تاركىلەندى: استانا مەن پاۆلودارداعى پاتەرلەر، جەر ۋچاسكەلەرى، 18 اۆتوكولىك جانە 300 ملن تەڭگەدەن استام قاراجات.
ەسكە سالايىق، ءۇش جىل بۇرىن ب ا ق HAS Holding قارجى پيراميداسىنىڭ قازاقستاندىقتاردى قالاي الداعانىن ەگجەي-تەگجەيلى جازىپ ەدى. سالىمشىلار ءۇشىن مىندەتتى شارت — 180 مىڭ تەڭگەگە تۇرمىستىق تاۋارلار ساتىپ الۋ بولعان. تۇسكەن قاراجاتتىڭ ءبىر بولىگى سالىمشىلارعا پايىز تولەۋگە جۇمسالعان، ءبىراق ۇيىمداستىرۋشىلار ولاردى بۇل اقشانى قايتا پيراميداعا سالۋعا كوندىرگەن. قاراجاتتىڭ كوپ بولىگى ۇيىمداستىرۋشىلاردىڭ قالتاسىنا تۇسكەن. قارجى مونيتورينگى اگەنتتىگىنىڭ دەرەگىنشە، سالىمشىلارمەن كەلىسىمدەر «Upgrade-AS»، Holding AS، «حاس-لوگيستيك»، light-AS جانە باسقا كومپانيالار اتىنان جاسالعان. سونىمەن قاتار قارجى پيراميداسى ءوزىن سىرتقى ەكونوميكالىق قىزمەتپەن اينالىساتىن كومپانيا رەتىندە تانىستىرعان.