پاۆلوداردا پوليسيا قىزمەتكەرلەرى الەۋمەتتىك جەلىلەردە تانىمال بولۋ ءۇشىن «نۇرلى جول» كوپىرىندە ءقاۋىپتى تريۋكتەر جاساعان جول قوزعالىسى ەرەجەلەرىن بۇزۋشىلاردى انىقتادى. وقيعانىڭ ۆيدەوسى قالالىق پوليسيا دەپارتامەنتىنىڭ Instagram-پاراقشاسىندا جاريالاندى، دەپ حابارلايدى infohub.kz.
حابارلامادا ايتىلعانداي، جۇرگىزۋشىلەر مەن جولاۋشىلار ورەسكەل مانەۆرلەر جاساپ، كولىك تەرەزەلەرى مەن ليۋكتەرىنەن شىعىپ، جولدىڭ ءجۇرۋ بولىگىندە تىكەلەي ءقاۋىپتى ارەكەتتەرگە بارعان. بارلىق قاتىسۋشىلار انىقتالىپ، جول قوزعالىسى ەرەجەلەرىن ورەسكەل بۇزعانى ءۇشىن جاۋاپقا تارتىلدى، ال كولىكتەر ارنايى تۇراققا قويىلدى.
پوليسيادا سوڭعى كەزدەرى جۇرگىزۋشىلەر مەن جولاۋشىلاردىڭ نازار اۋدارۋعا جانە «حايپ جيناۋعا» تىرىسىپ، جول قوزعالىسى ەرەجەلەرىن بۇزاتىن ءقاۋىپتى ءۇردىس تارالىپ جاتقانىن اتاپ وتەدى.
«جۇرگىزۋشىلەر مەن جولاۋشىلار جولدىڭ ءقاۋىپتى ويىن-ساۋىق ورنى ەمەس ەكەنىن ەستە ساقتاۋى كەرەك. مۇنداي ارەكەتتەر تەك بۇزۋشىلاردىڭ وزدەرىنە عانا ەمەس، جول قوزعالىسىنىڭ باسقا قاتىسۋشىلارىنا دا ءقاۋىپ توندىرەدى»، — دەدى پاۆلودار قالاسى پب پاترۋلدىك پوليسيا باتالونىنىڭ كومانديرى جاندوس بايكەنوۆ.