پاۆلوداردا پوليسيا دەپارتامەنتىنىڭ تالابى بويىنشا سوت ەسىرتكى ەسەبىندە تۇرعان جەرگىلىكتى تۇرعىننىڭ كولىك جۇرگىزۋ قۇقىعىن توقتاتتى، دەپ حابارلايدى infohub.kz سايتى.
پاۆلودار وبلىسى سوتتارىنىڭ رەسمي Telegram-ارناسىندا حابارلانعانداي، پاۆلودار قالاسىنىڭ اۋدانارالىق ازاماتتىق ىستەر جونىندەگى سوتى وبلىستىق پد-نىڭ ەر ادامعا قاتىستى كولىك جۇرگىزۋ قۇقىعىن توقتاتۋ تۋرالى تالابى بويىنشا ازاماتتىق ءىستى قارادى.
سوت انىقتاعانداي، 2019 جىلدىڭ 9 تامىزىندا ەر ادامعا «ۆ، ۆ1» ساناتتارىنداعى جۇرگىزۋشى كۋالىگى بەرىلگەن. الايدا 2025 جىلدىڭ ساۋىرىنەن باستاپ جاۋاپكەر «الكوگولدى تۇتىنۋدان تۋىنداعان پسيحيكالىق جانە مىنەز-ق ۇلىق بۇزىلىستارى، تاۋەلدىلىك سيندرومى» دياگنوزىمەن ەسىرتكى ديسپانسەرلىك ەسەبىندە تۇر.
بۇل اۋرۋ كولىك جۇرگىزۋگە تىيىم سالىناتىن مەديسينالىق قارسى كورسەتىلىمدەرگە جاتادى. مۇنداي دەنساۋلىق جاعدايى كولىكتى ءقاۋىپسىز باسقارۋعا كەدەرگى كەلتىرىپ، جۇرگىزۋشىنىڭ وزىنە جانە جول قوزعالىسىنىڭ باسقا قاتىسۋشىلارىنا ءقاۋىپ ءتوندىرۋى مۇمكىن.
سوت وتىرىسىندا جاۋاپكەر تالاپپەن كەلىسپەي، ەسەپكە قويىلعانىن بىلمەگەنىن جانە دەنساۋلىعىنا بايلانىستى الكوگول ىشپەيتىنىن ايتتى. ونىڭ وكىلى اۋرۋدىڭ سوزىلمالى سيپاتىن راستايتىن دالەلدەردىڭ جوقتىعىن كورسەتتى.
سوت بۇل دالەلدەردى نەگىزسىز دەپ تانىدى. ءىس ماتەريالدارىنان جاۋاپكەردىڭ دارىگەرلىك-كونسۋلتاسيالىق كوميسسيا وتىرىسىنا قاتىسىپ، مەديسينالىق تەكسەرۋدەن وتكەنى انىقتالدى. سونىمەن قاتار، ول باقىلاۋ جۇرگىزۋگە جازباشا كەلىسىم بەرگەن. ەسەپكە قويۋ تۋرالى شەشىم ول تاراپىنان شاعىمدانباعان. سونىمەن بىرگە، جاۋاپكەردىڭ ءوزى اي سايىن دارىگەرگە بەلگى قويۋ ءۇشىن باراتىنىن راستادى.
ق ر «جول قوزعالىسى تۋرالى» زاڭىنا سايكەس، مەديسينالىق قورىتىندىمەن راستالعان، كولىك قۇرالدارىن ءقاۋىپسىز باسقارۋعا كەدەرگى كەلتىرەتىن دەنساۋلىق جاعدايىنىڭ ناشارلاۋى ولاردى باسقارۋ قۇقىعىن توقتاتۋعا نەگىز بولىپ تابىلادى.
انىقتالعان ءمان-جايلاردى جانە جاۋاپكەردىڭ اۋرۋى كولىك جۇرگىزۋگە مەديسينالىق قارسى كورسەتىلىمدەر تىزىمىنە كىرەتىنىن ەسكەرە وتىرىپ، سوت تالاپتى قاناعاتتاندىردى. پاۆلودارلىقتىڭ جۇرگىزۋشى كۋالىگى بويىنشا كولىك جۇرگىزۋ قۇقىعى توقتاتىلدى. سوت شەشىمى زاڭدى كۇشىنە ەندى.