قازاقستاننىڭ دەنساۋلىق ساقتاۋ مينيسترلىگى ەمحانالاردا تاۋەلسىز پەدياتريالىق ۋچاسكەلەردىڭ جۇمىس ىستەۋ مۇمكىندىگىن ساقتاۋدى جوسپارلاپ وتىرعانىن مالىمدەدى، دەپ حابارلايدى infohub.kz سايتى.
ورتالىق كوممۋنيكاسيالار قىزمەتىنىڭ حابارلاۋىنشا، ۆەدومستۆو قاجەتتى ماماندار بولعان جاعدايدا ەمحانالاردا تاۋەلسىز پەدياتريالىق ۋچاسكەلەردىڭ جۇمىس ىستەۋ مۇمكىندىگىن ساقتاۋدى نيەتتەنىپ وتىر. بۇل بالالارعا بەكىتىلگەن جەرى بويىنشا تىكەلەي پەدياتر دارىگەرىنەن العاشقى مەديسينالىق كومەك الۋدى جالعاستىرۋعا مۇمكىندىك بەرەدى.
مينيسترلىكتە ۇسىنىلىپ وتىرعان وزگەرىستەر پەدياتريا قىزمەتىن نىعايتۋعا باعىتتالعانىن جانە جالپى پراكتيكا دارىگەرلەرىنەن باس تارتۋدى كوزدەمەيتىنىن اتاپ ءوتتى. مەديسينالىق ۇيىمدار كادرلىق قامتاماسىز ەتۋدى جانە حالىقتىڭ قاجەتتىلىكتەرىن ەسكەرە وتىرىپ، بالالارعا كومەك كورسەتۋدىڭ ەڭ قولايلى مودەلىن وزدەرى انىقتاي الادى.
پەدياتريالىق ۋچاسكەلەر بالانىڭ دەنساۋلىعىن ۇزدىكسىز باقىلاۋدى قامتاماسىز ەتەدى، ونىڭ ىشىندە پروفيلاكتيكالىق تەكسەرۋلەر، فيزيكالىق جانە پسيحوموتورلىق دامۋدى باعالاۋ، اۋرۋلاردى ەرتە انىقتاۋ جانە ءپروفيلدى ماماندارعا ۋاقتىلى جولداۋ. مۇنداي باقىلاۋ اسىرەسە جاس بالالار ءۇشىن ماڭىزدى.
سونىمەن قاتار، مينيسترلىك پەدياتر دارىگەرلەرىن دايارلاۋدى ۇلعايتۋدا. 2026 جىلى 123 مامان دايىندالدى، 2027 جىلى تاعى 91 دارىگەردىڭ شىعۋى كۇتىلۋدە.