ماڭعىستاۋ وبلىسىندا بەلگىلى جۋرناليست، اقىن، قازاقستان جۋرناليستەر وداعى سىيلىعىنىڭ لاۋرەاتى جولامان بوشالاق قايتىس بولدى، دەپ حابارلايدى infohub.kz سايتى.
ماڭعىستاۋ وبلىسىنىڭ قوعامدىق كوممۋنيكاسيالار ورتالىعىنىڭ مالىمەتىنشە، 1943 جىلى اتىراۋ وبلىسىنىڭ ەمبا اۋدانىنداعى تۇرعىزبا اۋىلىندا دۇنيەگە كەلگەن جولامان بوشالاقتىڭ ءومىرى مەن شىعارماشىلىق جولىنىڭ ەداۋىر بولىگى ماڭعىستاۋ وبلىسىمەن تىعىز بايلانىستى بولدى. ول ۇزاق جىلدار بويى جۋرناليستيكا سالاسىندا ەڭبەك ەتىپ، وبلىستىق تەلەديدار مەن ءباسپاسوزدىڭ دامۋىنا ەرەكشە ۇلەس قوستى.
ءار جىلدارى ول ماڭعىستاۋ وبلىستىق تەلەراديوكومپانياسىندا، «كوممۋنيستىك جول»، «ماڭعىستاۋ» گازەتتەرىندە جۇمىس ىستەدى، سونداي-اق «ەگەمەن قازاقستان» گازەتىنىڭ وبلىس بويىنشا مەنشىكتى ءتىلشىسى بولىپ، ايماقتىڭ تىرشىلىگىن اقپاراتتىق كەڭىستىكتە كەڭىنەن جاريالادى. اسىرەسە «ماڭعىستاۋ» گازەتىن باسقارعان جىلدارى ول ايماق جۋرناليستيكاسىنىڭ دامۋىنا ەلەۋلى ۇلەس قوستى.
«جولامان بوشالاق — كاسىبي جۋرناليستيكاعا ادالدىعىمەن، جازۋشىلىق شەبەرلىگىمەن جانە ازاماتتىق ۇستانىمىمەن ارىپتەستەرىنىڭ قۇرمەتىنە بولەنگەن ۇلكەن بۋىن وكىلى. ونىڭ ايماقتىق جۋرناليستيكانىڭ دامۋىنا قوسقان ۇلەسى مەن كەيىنگى ۇرپاققا قالدىرعان شىعارماشىلىق مۇراسى حالىق جادىندا ساقتالادى. مارقۇمنىڭ وتباسى مەن تۋىستارىنا، ارىپتەستەرى مەن جاقىندارىنا قايعىرا كوڭىل ايتامىز. جاتقان جەرى جايلى، توپىراعى تورقا بولسىن»، — دەپ اتاپ ءوتتى ورتالىقتا.