2025 جىلدىڭ قورىتىندىسى بويىنشا قازاقستاندا قوعامدىق تاماقتاندىرۋ قىزمەتىنىڭ كولەمى رەكوردتىق دەڭگەيگە جەتىپ، 2،1 تريلليون تەڭگەدەن استى. بۇل تۋرالى infohub.kz سايتى حابارلايدى.
ەلدەگى تاماقتانۋ ورىندارىنىڭ سانى 17،5 پايىزعا ارتىپ، 19 588-گە جەتتى. ءبىر جىل بۇرىن بۇل كورسەتكىش 16 674 بولعان ەدى.
قوعامدىق تاماقتانۋ نىساندارىنىڭ ەڭ كوپ سانى الماتىدا — 3 522 مەكەمە. استانادا 2 761 نىسان جۇمىس ىستەسە، ۇشتىكتى 1 275 نىسانىمەن قاراعاندى وبلىسى تۇيىندەيدى.
ەڭ قارقىندى ءوسىم ءدامحانا سەگمەنتىندە بايقالادى: ولاردىڭ سانى 15،1 پايىزعا — 5 202-دەن 5 987-گە دەيىن ءوستى. ءدامحانالاردىڭ كوبىسى الماتىدا (1 036)، استانادا (809) جانە قاراعاندى وبلىسىندا (485) ورنالاسقان.
اسحانالار سانى 5،7 پايىزعا — 5 618-دەن 5 940 بىرلىككە دەيىن ارتتى. كلاسسيكالىق مەيرامحانالار سانى 666-عا كوبەيىپ، ءقازىر ولاردىڭ سانى 3 024ء-تى قۇرايدى. ايتا كەتەرلىگى، مەيرامحانالار سانى بويىنشا استانا الماتىنى باسىپ وزدى: 654-كە قارسى 602. بۇل كورسەتكىش بويىنشا ءۇشىنشى ورىندى كۇتپەگەن جەردەن 248 مەيرامحاناسىمەن باتىس قازاقستان وبلىسى يەلەندى.
ساراپشىلاردىڭ پىكىرىنشە، مۇنداي ءوسىم قازاقستاندىقتاردىڭ تۇتىنۋ ادەتتەرىنىڭ وزگەرۋىنە، جەتكىزۋ قىزمەتتەرىنىڭ دامۋىنا جانە سۇرانىستىڭ قولجەتىمدى تاماقتانۋ فورماتتارىنا اۋىسۋىنا بايلانىستى.