قازاقستاننىڭ بىرنەشە ءىرى قالاسىنىڭ تۇرعىندارىنا اتموسفەرادا زياندى زاتتاردىڭ جينالۋى تۋرالى ەسكەرتۋ جاسالدى: 16 قىركۇيەكتە الماتى مەن رەسپۋبليكانىڭ تاعى ءۇش قالاسىندا قولايسىز مەتەورولوگيالىق جاعداي كۇتىلەدى، دەپ حابارلايدى infohub.kz سايتى.
«قازگيدرومەتتىڭ» مالىمەتىنشە، سينوپتيكتەردىڭ دەرەگىنشە، قمج الماتىدا، ال تۇندە اتىراۋ، وسكەمەن جانە سەمەيدە بولجانادى.
ماماندار تۇسىندىرۋىنشە، قولايسىز مەتەوجاعداي تىمىق اۋا رايى، ءالسىز جەل، تۇمان جانە تەمپەراتۋرالىق ينۆەرسيا قاباتتاسقاندا تۋىندايدى. سونىڭ سالدارىنان لاستاۋشى زاتتار اتموسفەرانىڭ جەرگە جاقىن قاباتىندا جينالىپ، اۋا ساپاسىنىڭ ناشارلاۋىنا اكەلۋى مۇمكىن.
سينوپتيكتەر مۇنداي كەزەڭدەردە دەنساۋلىققا كەرى اسەر ەتۋ ءقاۋپى ارتاتىنىن، اسىرەسە سوزىلمالى اۋرۋى بار ادامدارعا ءقاۋىپتى ەكەنىن ەسكەرتەدى.
اۋانىڭ لاستانۋ دەڭگەيىنە جەلدىڭ جىلدامدىعى، جاۋىن-شاشىن، ىلعالدىلىق جانە اۋا تەمپەراتۋراسى اسەر ەتەدى.
تۇرعىندارعا كوشەدە، اسىرەسە اۆتوجولدار مەن باسقا دا لاستانۋ كوزدەرىنىڭ ماڭىندا ءجۇرۋ ۋاقىتىن قىسقارتۋعا كەڭەس بەرىلەدى. بالالار مەن جۇكتى ايەلدەرگە ۇزاق سەرۋەندەۋدەن باس تارتۋ ۇسىنىلادى.
تىنىس الۋ جانە جۇرەك-قانتامىر جۇيەسى اۋرۋلارىنا شالدىققان ادامدارعا، سونداي-اق اللەرگياسى بارلارعا قاجەتتى دارىلەردى جانىندا ۇستاۋعا كەڭەس بەرىلەدى. اشىق اۋاداعى دەنە بەلسەندىلىگىن شەكتەپ، مۇمكىندىگىنشە جاتتىعۋلاردى جابىق عيماراتتارعا كوشىرۋ كەرەك.
بۇعان دەيىن «كۋرسيۆ» استانا مەن ەلدىڭ 16 وبلىسىندا داۋىلدى ەسكەرتۋ جاريالانعانىن جازعان. نايزاعايلى جاڭبىر، قاتتى جەل، تۇمان جانە شاڭدى داۋىل كۇتىلەدى.