قوستاناي وبلىسىندا ءجاسوسپىرىم تەمىرجولدا توك سوققىسىنان زارداپ شەكتى. وقيعا وبلىس ورتالىعىندا بولعان، دەپ حابارلايدى infohub.kz.
«ءقازىنفورم» ماا مالىمەتىنشە، 2013 جىلى تۋعان وقۋشى قوستانايداعى تەمىرجولدا اۋىر ەلەكتر جاراقاتىن العان. ول رۋدنىيدان دوستارىمەن بىرگە وبلىس ورتالىعىنا كەلگەن. ءقازىر ءجاسوسپىرىم رەانيماسيادا جاتىر.
كولىك پوليسياسى دەپارتامەنتىندە NUR.KZ تىلشىسىنە حابارلاعانداي، 4 قىركۇيەكتە قوستاناي ستانسياسىنداعى كولىك پوليسيا ءبولىمى تەمىرجول كولىگىنىڭ قوزعالىس قاۋىپسىزدىگى نەمەسە پايدالانۋ ەرەجەلەرىن بۇزۋ فاكتىسى بويىنشا قىلمىستىق ءىس قوزعاعان.
«قازىرگى ۋاقىتتا وقيعانىڭ ءمان-جايىن انىقتاۋعا باعىتتالعان بارلىق قاجەتتى تەرگەۋ شارالارى جۇرگىزىلۋدە»، — دەپ اتاپ ءوتتى ۆەدومستۆودا.
بيىلعى تامىزدا قوستانايدا دارىگەرلەر 27 مىڭ ۆولتتان استام توك سوققىسىنان زارداپ شەككەن 15 جاسار بالانىڭ ءومىرىن ساقتاپ قالعانى حابارلانعان. ول سۋرەتكە تۇسكىسى كەلگەن كەزدە زارداپ شەككەن ەدى.