قازاقستاندىق جۇرگىزۋشىلەر كولىكتەرىنە RFID-مەتكالاردى ورناتۋ مۇمكىندىگىنە يە بولدى. بۇل مەتكالار اقىلى تراسسالارداعى تولەم پۋنكتتەرىنەن تەز وتۋگە جانە اقشا ۇنەمدەۋگە مۇمكىندىك بەرەدى. «قازاۆتوجول» ەنگىزگەن اقىلى جول ۋچاسكەلەرىندەگى جول اقىسىن تولەۋدىڭ جاڭا ءتاسىلى تۋرالى infohub.kz سايتى حابارلايدى.
ارنايى RFID-مەتكالار تولەم پۋنكتىنەن وتكەن كەزدە اۆتوماتتى تۇردە ىسكە قوسىلادى. «قازاۆتوجول» تۇسىندىرگەندەي، مەتكا مەملەكەتتىك تىركەۋ نومىرىنە جانە KazToll سەرۆيسىندەگى پايدالانۋشىنىڭ جەكە شوتىنا بايلانىستىرىلادى. كولىك قۇرالى وتكەن كەزدە جۇيە ونى سايكەستەندىرىپ، شوتتان اۆتوماتتى تۇردە ەسەپ ايىرىسادى. جۇرگىزۋشىگە شوتىندا اقشا بولۋى جەتكىلىكتى — قالعانىن جۇيە ءوزى جاسايدى. وسىنىڭ ارقاسىندا وتكىزۋ پۋنكتتەرىنەن ادەتتەگىدەن الدەقايدا جىلدام وتۋگە بولادى.
الايدا RFID-مەتكاسى بار جۇرگىزۋشىلەر تەك ۋاقىتىن عانا ەمەس، اقشاسىن دا ۇنەمدەي الادى.
سەبەبى قازاقستانداعى اقىلى جول ۋچاسكەلەرىندە تولەمنىڭ ەكى نۇسقاسى بار:
الدىن الا تولەۋ — اقشا وتكىزۋ پۋنكتىنەن وتكەن كەزدە الىنادى. RFID-مەتكا ارقىلى دا ءدال وسىلاي تولەنەدى، بۇل پروسەستى جىلدامداتادى؛
كەيىن تولەۋ — جۇرگىزۋشى وتكىزۋ پۋنكتىنەن وتكەننەن كەيىن جول اقىسىن ءوزى تولەيدى.
الدىن الا تولەۋ كەزىندە جول اقىسى، ادەتتە، تومەنىرەك. مىسالى، ششۋچينسك — كوكشەتاۋ تراسساسىنىڭ اقىلى ۋچاسكەسىندە جەڭىل ءاۆتوموبيلدىڭ ءجۇرۋى الدىن الا تولەۋ بويىنشا شامامەن 117،21 تەڭگە، ال كەيىن تولەۋ بويىنشا 140،56 تەڭگەنى قۇرايدى. الماتىدان قونايەۆ قالاسىنا دەيىن الدىن الا تولەۋ 152 تەڭگە، كەيىن تولەۋ 176 تەڭگە بولادى.
ايىرماشىلىق ءبىر قاراعاندا ازداي كورىنەدى، ءبىراق اقىلى جول ۋچاسكەلەرىندە ءجيى جۇرەتىن جۇرگىزۋشىلەر ءۇشىن، اسىرەسە جۇك كولىكتەرى ءۇشىن، ول ايتارلىقتاي سەزىلەدى.
ماڭىزدى: RFID-مەتكانىڭ ءوزى جەڭىلدىك بەرمەيدى، ءبىراق ول تولەم وتكىزۋ پۋنكتىنەن وتكەن ساتتە جۇرگىزىلەتىندىكتەن، ازىراق تولەۋگە مۇمكىندىك بەرەدى — باستىسى شوتتا قاجەتتى سوما بولۋى كەرەك. ايتا كەتەيىك، الدىن الا تولەۋ مەتكاسىز دا قولجەتىمدى. ەگەر جۇرگىزۋشىنىڭ شوتىندا اقشا بولسا، سوما اۆتوماتتى تۇردە شەگەرىلەدى. ال مەتكا بۇكىل پروسەستى جىلدامداتادى. ونى تولەم پۋنكتتەرىنەن تەگىن الۋعا بولادى.
بۇعان دەيىن ءبىز كولىك نومىرىنەن اقشا ۋاقىتىندا الىنباسا نەمەسە جۇمسالماسا، ونىڭ «جانىپ كەتەتىنى» تۋرالى دا جازعان بولاتىنبىز. ال اقىلى جولداعى جول اقىسىن ۇنەمدەۋ ءۇشىن جۇيەنى «الداۋعا» تىرىسۋعا بولا ما، سونى وسىندا بىلۋگە بولادى.