تانىمال ءپوپ-انشى ريكي مارتين Instagram-دا الماتىنىڭ كورىنىسى كورسەتىلگەن كادرلاردى جاريالادى. بۇگىن مەگاپوليستە ونىڭ كونسەرتى وتەدى، دەپ حابارلايدى infohub.kz.
ءوزىنىڭ پروفيلىندەگى ستوريستە ريكي مارتين الماتىنىڭ جوعارىدان تۇسىرىلگەن كورىنىسىن كورسەتەتىن ۆيدەو جاريالادى. ول ءانشىنىڭ تۇرعان عيماراتىنىڭ تەرەزەسىنەن تۇسىرىلگەن بولۋى مۇمكىن. «قايىرلى تاڭ، الماتى»، — دەپ جازدى پوپ-ورىنداۋشى.
ەسكە سالايىق، ناۋرىز ايىندا ريكي ءمارتيننىڭ قازاقستانعا العاش رەت كونسەرتپەن كەلەتىنى بەلگىلى بولدى. ول بۇگىن، 18 شىلدەدە، الماتىدا وتەدى. ونەر كورسەتەر الدىندا ءانشى قازاقستاندىقتارعا ۇندەۋ جاسادى — ول دا جانكۇيەرلەرىمەن جاقىن ارادا كەزدەسۋدى كۇتىپ تۇرعانىن ايتتى. ال كەشە ريكي مارتين قازاقستانعا ۇشىپ كەلگەنىن ايتىپ، ۇشاقتان تۇسىرىلگەن كادرلاردى ءبولىستى.