قازاقستان ازاماتشاسى ەرەكشە ءىرى مولشەردە سالىق تولەۋدەن جالتارعانى ءۇشىن رەسەي فەدەراسياسىنان ەكستراديسيالاندى. كۇدىكتى سوت تورەلىگىنەن جاسىرىنىپ، حالىقارالىق ىزدەۋ جاريالانعان بولاتىن، دەپ حابارلايدى infohub.kz سايتى.
باس پروكۋراتۋرانىڭ مالىمەتىنشە، ايەل كوممەرسيالىق ۇيىم ديرەكتورى قىزمەتىن اتقارا ءجۇرىپ، 2022-2023 جىلدارى سالىق دەكلاراسيالارىنا كىرىستەر تۋرالى بۇرمالانعان مالىمەتتەر ەنگىزگەن، وسىلايشا 290 ميلليون تەڭگەدەن استام سالىق تولەۋدەن جالتارعان.
قىلمىس جاساعاننان كەيىن ول قىلمىستىق قۋدالاۋ ورگاندارىنان جاسىرىنىپ، حالىقارالىق ىزدەۋ جاريالانعان. وسى جىلدىڭ قاڭتارىندا ول كراسنودار قالاسىندا ۇستالىپ، قازاقستانعا جەتكىزىلدى.
قازىرگى ۋاقىتتا كۇدىكتى تەرگەۋ يزولياتورىنا قامالعان. وعان تاعىلعان ايىپ بويىنشا سەگىز جىلعا دەيىن باس بوستاندىعىنان ايىرۋ، سونداي-اق ءۇش جىلعا دەيىن بەلگىلى ءبىر لاۋازىمداردى اتقارۋ نەمەسە بەلگىلى ءبىر قىزمەتپەن اينالىسۋ قۇقىعىنان ايىرۋ جازاسى قاراستىرىلعان.