قازاقستاندا ساۋدا سالاسى ەڭ ءىرى جۇمىس بەرۋشىگە اينالدى: مۇندا ەلدەگى ءار التىنشى جۇمىسپەن قامتىلعان تۇرعىن ەڭبەك ەتەدى. 2026 جىلدىڭ ەكىنشى توقسانىنىڭ قورىتىندىسى بويىنشا جۇمىسپەن قامتىلعان حالىقتىڭ جالپى سانى 9،4 ميلليون ادامعا جەتتى، دەپ حابارلايدى infohub.kz سايتى.
قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسىنىڭ دەرەكتەرىنە سايكەس، 7،3 ميلليون ادام جالدامالى جۇمىسشى بولسا، 2،1 ميلليون ادام ءوزىن-وزى جۇمىسپەن قامتىعان. جۇمىسشىلاردىڭ ەڭ ۇلكەن ۇلەسى — 16،8 پايىزى — ساۋدا سالاسىندا شوعىرلانعان. ودان كەيىن ءبىلىم بەرۋ (13،3 پايىز)، ونەركاسىپ (12،4 پايىز)، اۋىل شارۋاشىلىعى (10،5 پايىز)، كولىك جانە قويمالاۋ (7،1 پايىز)، قۇرىلىس (6،8 پايىز)، سونداي-اق دەنساۋلىق ساقتاۋ جانە الەۋمەتتىك قىزمەت كورسەتۋ (6،6 پايىز) سالالارى تۇر.
2025 جىلدىڭ ەكىنشى توقسانىمەن سالىستىرعاندا جۇمىسپەن قامتىلعاندار سانى ءبىرقاتار سالالاردا ءوستى. ەڭ ايتارلىقتاي ءوسىم جىلجىمايتىن م ۇلىكپەن وپەراسيالار سالاسىندا بايقالدى — 37 مىڭ ادامعا ارتتى. ءبىلىم بەرۋدە جۇمىسشىلار سانى 31،1 مىڭعا، دەنساۋلىق ساقتاۋدا — 21،2 مىڭ ادامعا ءوستى.
سونداي-اق ونەر، ويىن-ساۋىق جانە دەمالىس سالالارىندا (15،1 مىڭ ادامعا ءوسىم)، كاسىبي، عىلىمي جانە تەحنيكالىق قىزمەتتە (7،7 مىڭعا)، سونداي-اق قارجى جانە ساقتاندىرۋ قىزمەتىندە (7،4 مىڭ ادامعا) وڭ ديناميكا تىركەلدى.
بۇعان دەيىن الماتى قالاسىنىڭ جۇمىسپەن قامتۋ باسقارماسىنىڭ باسشىسى جۇمىس ىزدەۋشىلەردىڭ كۇتۋلەرى مەن جۇمىس بەرۋشىلەردىڭ ۇسىنىستارى اراسىنداعى تەڭگەرىمسىزدىكتى اتاپ وتكەن بولاتىن.