سەمەيدە جاڭا اسپالى كوپىردە ءبىر ادامنىڭ ءومىرىن قيعان جول اپاتى بولدى. وقيعا ورنىنان تۇسىرىلگەن كادرلار الەۋمەتتىك جەلىلەردە تارادى، ال اباي وبلىسى پوليسيا دەپارتامەنتى رەسمي تۇسىنىكتەمە بەردى، دەپ حابارلايدى infohub.kz.
ۆەدومستۆونىڭ مالىمەتىنشە، وقيعا 23 تامىزدا ساعات 23:00 شاماسىندا بولعان. Mitsubishi Pajero جانە Lada Priora كولىكتەرى سوقتىعىسقان.
«الدىن الا دەرەكتەر بويىنشا، Mitsubishi Pajero جۇرگىزۋشىسى باسقارۋدى جوعالتىپ، قورشاۋعا سوعىلىپ، سودان كەيىن قارسى باعىتقا شىعىپ، Lada Priora كولىگىمەن سوقتىعىسقان»، — دەپ حابارلادى اباي وبلىسى پد.
جاريالانعان كادرلاردا كولىكتىڭ بۇيىرىنە اۋدارىلعانى كورىنەدى. پوليسيانىڭ تۇسىندىرۋىنشە، اپات سالدارىنان Mitsubishi Pajero جولاۋشىسى وقيعا ورنىندا قايتىس بولعان.
ابايسىزدا ادام ولىمىنە اكەپ سوققان جول قوزعالىسى ەرەجەلەرىن بۇزۋ فاكتىسى بويىنشا سوتقا دەيىنگى تەرگەۋ باستالدى. قازىرگى ۋاقىتتا تەرگەۋ جانە پروسەسسۋالدىق ىس-ارەكەتتەر كەشەنى جۇرگىزىلۋدە، وقيعانىڭ بارلىق ءمان-جايى انىقتالۋدا. تەرگەۋ ناتيجەلەرى بويىنشا تۇپكىلىكتى پروسەسسۋالدىق شەشىم قابىلداناتىن بولادى.