سەمەيدە سىنىپتاسىنا 15 رەت پىشاق جاراقاتىن سالدى دەگەن كۇدىككە ىلىنگەن 13 جاستاعى ءجاسوسپىرىمنىڭ اناسى ۇلى ءوزىن-وزى قورعاۋ ماقساتىندا ارەكەت ەتكەنىن مالىمدەدى. سونىمەن قاتار ايەل جانجالعا قاتىسقان ەكى تاراپتىڭ دا كىناسىن مويىندادى، دەپ حابارلايدى infohub.kz سايتى.
نازيگۇل جۇمابەكوۆانىڭ ايتۋىنشا، پىشاقتى ءبىرىنشى بولىپ جانجالدىڭ ەكىنشى قاتىسۋشىسى قولدانعان. قورىققان ۇلى نە ىستەپ جاتقانىن تۇسىنبەي، قارسى سوققى بەرە باستاعان.
«ول ءبىرىنشى باستادى – ونى پىشاقتادى. قورىققاننان، مۇمكىن، نە ىستەپ جاتقانىن ءوزى دە تۇسىنبەگەن شىعار. ءوزىن قورعاۋ رەتىندە وعان پىشاقتى تىعا باستادى. ياعني، ومار ءبىرىنشى باستادى – ونى پىشاقپەن كەستى. سودان كەيىن وسىنىڭ ءبارى بولدى. ءبىراق مەنىڭشە، ەكەۋى دە كىنالى: ومار دا، داۋلەت تە. ۇلىم كىناسىز دەپ ويلامايمىن. مەن ونى دا كىنالى سانايمىن»، – دەدى وقۋشىنىڭ اناسى نازيگۇل جۇمابەكوۆا.
بۇعان دەيىن «كۋرسيۆ» وسى وقيعا تۋرالى جازعان بولاتىن. وقيعا ساباقتان كەيىن بولعان. ەكى 13 جاستاعى ءجاسوسپىرىم بىرگە ويناعان، ءبىراق ءبىر ساتتە ولاردىڭ اراسىندا توبەلەس باستالعان. جانجال الدىندا وقۋشىلار پىشاق تاۋىپ العان بولۋى مۇمكىن. ودان ءارى نە بولعانىن تەرگەۋ انىقتاپ جاتىر.
وقيعادان كەيىن ەكى ءجاسوسپىرىم دە اۋرۋحاناعا جەتكىزىلگەن. جۇمابەكوۆانىڭ ۇلىنىڭ جارالارىن وڭدەپ، تىگىپ، ۇيىنە جىبەرگەن.
ەكىنشى وقۋشى شامامەن 15 پىشاق جاراقاتىن الىپ، وتا جاسالعان. ءقازىر ول اۋرۋحانادا جاتىر، جاعدايى ورتاشا اۋىر دەپ باعالانۋدا.
ەكى ءجاسوسپىرىمنىڭ دە اتا-انالارى پوليسيادان بولعان وقيعانى مۇقيات تەرگەپ، جانجالعا قاتىسۋشىلاردىڭ ارەكەتتەرىنىڭ رەتىن انىقتاۋدى سۇراپ وتىر.