تبيليسيدەن استاناعا ۇشقان رەيستە 38 جاستاعى شەتەل ازاماتى ۇشاقتىڭ دارەتحاناسىندا ەلەكتروندى تەمەكى شەككەن. ول اۆياسيا قاۋىپسىزدىگى ەرەجەلەرىن بۇزعان، سوندىقتان رەيستەن ءتۇسىرىلدى. infohub.kz سايتىنىڭ حابارلاۋىنشا، كولىك پوليسەيلەرى بۇزۋشىنىڭ جەكە باسىن انىقتاپ، ونى جاۋاپكەرشىلىككە تارتتى.
كولىكتەگى پوليسيا دەپارتامەنتىنىڭ مالىمەتىنشە، 2026 جىلدىڭ باسىنان بەرى ءارتۇرلى قۇقىق بۇزۋشىلىقتار ءۇشىن 254 ادام اۆيارەيستەردەن تۇسىرىلگەن. ونىڭ ىشىندە 193 ازامات الكوگول ىشكەنى نەمەسە ماس كۇيىندە بولعانى ءۇشىن، ال 40-ى بورتىندا تەمەكى شەگۋگە تىيىم سالۋدى بۇزعانى ءۇشىن رەيستەن شىعارىلعان.
پوليسيا ۇشاق بورتىندا كەز كەلگەن تەمەكى جانە نيكوتين ونىمدەرىن، ونىڭ ىشىندە ەلەكتروندى تەمەكى مەن ۆەيپتەردى شەگۋگە قاتاڭ تىيىم سالىنعانىن ەسكە سالادى. مۇنداي ارەكەتتەر ۇشۋ قاۋىپسىزدىگىنە تىكەلەي ءقاۋىپ توندىرەدى جانە زاڭناماعا سايكەس جاۋاپكەرشىلىككە اكەپ سوعادى.