وسكەمەندە قۇقىق قورعاۋ ورگاندارى Wildberries ماركەتپلەيسىندە قالىپتى بيولوگيالىق بەلسەندى قوسپالار رەتىندە سالماق جوعالتۋعا ارنالعان كۇشتى اسەر ەتەتىن زاتتاردىڭ زاڭسىز ساۋداسىن توقتاتتى. بۇل فاكتى بويىنشا تەرگەۋ باستالدى، دەپ حابارلايدى infohub.kz.
سونىمەن قاتار، زايسان اۋدانىندا جەرگىلىكتى مەديسينالىق ۇيىم قىزمەتكەرلەرى زاڭدى اينالىپ ءوتىپ، پاسيەنتتەرگە ەسىرتكى جانە قاتاڭ رەسەپت بويىنشا بەرىلەتىن پرەپاراتتاردى تىكەلەي ساتۋدى ۇيىمداستىرعان.
وبلىستا دارىلىك زاتتاردىڭ اينالىمى سالاسى شىعىس قازاقستان وبلىسى پروكۋراتۋراسى ورگاندارىنىڭ ەرەكشە باقىلاۋىندا. قاداعالاۋ ورگانى قۇقىق قورعاۋ جانە سالالىق قۇرىلىمدارمەن ءوزارا ءىس-قيمىل جاسايدى.
«وبلىس پروكۋراتۋراسىنىڭ ۇيلەستىرۋىمەن 2025-2026 جىلدار ارالىعىندا پرەكۋرسورلاردىڭ زاڭسىز اينالىمى فاكتىلەرى بويىنشا 3 قىلمىستىق ءىس قوزعالىپ، 21 اكىمشىلىك حاتتاما جاسالدى، سالىنعان ايىپپۇلداردىڭ جالپى سوماسى 4 ملن تەڭگەدەن استى»، — دەپ حابارلادى پروكۋراتۋرادا.
شقو پروكۋراتۋراسىندا ەرەكشە دارى-دارمەكتەردى باقىلاۋسىز قابىلداۋ جانە ءوزىن-وزى ەمدەۋ ازاماتتاردىڭ ءومىرى مەن دەنساۋلىعىنا تىكەلەي ءقاۋىپ توندىرەتىنىن اتاپ وتەدى. قاداعالاۋ ۆەدومستۆوسى رەسمي مالىمدەمەمەن شىقتى: مەديسينا جانە فارماسەۆتيكا قىزمەتكەرلەرىن رەسەپت بويىنشا بەرىلەتىن دارىلەردى ساتۋ ەرەجەلەرىن قاتاڭ ساقتاۋعا، ال اتا-انالاردى دارىگەر تاعايىنداماعان كەز كەلگەن پرەپاراتتاردى ساتىپ الۋدان باس تارتۋعا شاقىرادى.
الماتىدا جاسوسپىرىمدەرمەن ەسىرتكىگە قارسى پروفيلاكتيكالىق كەزدەسۋ ءوتتى. كوميۋنيتي-ورتالىقتا جاسوسپىرىمدەر مەن جاستاردىڭ ەسىرتكى قولدانۋدى باستاۋ سەبەپتەرى جانە ونى بولدىرماۋ جولدارى تالقىلاندى.