شىمكەنتتە نەيروحيرۋرگتەر 38 جاستاعى ايەلدىڭ ميىنداعى ءقاۋىپتى انەۆريزمانى قانسىز ادىسپەن الىپ تاستادى. قۇنى 6 ميلليون تەڭگەدەن اساتىن وپەراسيا مەملەكەت ەسەبىنەن جاسالدى، دەپ حابارلايدى infohub.kz.
دارىگەرلەردىڭ ايتۋىنشا، ناۋقاس ۇزاق ۋاقىت بويى قاتتى باس اۋرۋىنان زارداپ شەككەن. مرت تاعايىندالعاننان كەيىن ايەلدىڭ مي تامىرلارىندا انەۆريزما بار ەكەنى انىقتالدى.
جوعارى تەحنولوگيالىق وتا شىمكەنت قالالىق №2 اۋرۋحاناسىندا جاسالدى. اشىق وپەراسيانىڭ ورنىنا مەديكتەر ەندوۆاسكۋليارلىق ءادىستى قولداندى: قان تامىرى ارقىلى ارنايى قۇرىلعى ەنگىزىلىپ، انەۆريزما ايماعىنا ستەنت ورناتىلدى.
وپەراسيانى نەيروحيرۋرگ ەركىن مەدەتوۆ جاسادى. ول ءقازىر ناۋقاستىڭ جاعدايى تۇراقتى ەكەنىن، مامانداردىڭ باقىلاۋىندا ەكەنىن اتاپ ءوتتى.
قالا اكىمدىگىندە مۇنداي وپەراسيانىڭ قۇنى 6 ميلليون تەڭگەدەن اساتىنىن، الايدا شىمكەنت تۇرعىنىنا مەديسينالىق كورسەتكىشتەر بويىنشا حيرۋرگيالىق ارالاسۋدىڭ تەگىن جاسالعانىن اتاپ ءوتتى.
بۇعان دەيىن وسكەمەندە دارىگەرلەر جۇرەگى توقتاپ قالعان ناۋقاسقا وتە كۇردەلى وپەراسيا جاساعانى حابارلانعان بولاتىن. جاس جىگىت اۋرۋحاناعا اۋىر جاعدايدا ءتۇسىپ، وپەراسيا كەزىندە جۇرەگى توقتاپ قالعان، ءبىراق مەديكتەر ونى امان الىپ قالدى.
سونىمەن قاتار، الماتى كارديوورتالىعىندا ءمامس بويىنشا وپەراسيالار سانى ەكى ەسە ارتقان، ال مەگاپوليستە كارديوحيرۋرگيانى قارجىلاندىرۋ ءتورت ەسەگە جۋىق وسكەن.