شىمكەنتتەگى كاسىپورىندا ەلەكتر توگى سوعىپ، بۇرىنعى سپورتشى ءادىل تىلەكتەس قازا تاپتى. اجال قۇشقان جايتتىڭ ءمان-جايىن وبلىستىق پوليسيا دەپارتامەنتى حابارلادى، دەپ جازادى infohub.kz سايتى.
بالۋاننىڭ قازا بولعانى تۋرالى اقپارات Halۋqstan Telegram-ارناسىندا جاريالاندى. جازبا اۆتورىنىڭ دەرەگىنشە، ءادىل تىلەكتەس جوعارى كەرنەۋلى كابەلدى ابايلاماي ۇستاپ قالىپ، بيىكتەن قۇلاپ، ومىرمەن ۇيلەسپەيتىن جاراقات العان.
«سپورتتاعى كوپتەگەن جەتىستىگىنە، سونىڭ ىشىندە 2019 جىلى گرەك-ريم كۇرەسىنەن 60 كەلىگە دەيىنگى سالماق دارەجەسىندە قازاقستان چەمپيوناتىندا جەڭىسكە جەتكەنىنە قاراماستان، ءادىل وتباسىن اسىراۋ ءۇشىن كاسىبي مانسابىن اياقتاپ، شىمكەنتتەگى كەراميكالىق پليتكا شىعاراتىن زاۋىتقا جۇمىسقا تۇرۋعا ءماجبۇر بولدى. سپورتشىنىڭ ەستۋ قابىلەتى ناشار ەدى. ول جارىستاردا بار بولعانى ەكى جىل بەلسەندى ونەر كورسەتىپ، سودان كەيىن كىلەمنەن كەتتى. مارقۇمنىڭ ەكى بالاسى قالدى»، — دەلىنگەن جاريالانىمدا.
شىمكەنت قالالىق پوليسيا دەپارتامەنتىنىڭ ءباسپاسوز قىزمەتى حابارلاعانداي، قالاداعى كاسىپورىنداردىڭ ءبىرىنىڭ اۋماعىندا جۇمىسشىنىڭ قازا بولۋىنا قاتىستى سوتقا دەيىنگى تەرگەۋ جۇرگىزىلىپ جاتىر.
«الدىن الا انىقتالعانىنداي، ەر ادام جۇمىس بارىسىندا ەلەكتر توگى سوعىپ، ولىمگە اكەپ سوققان جاراقات العان. ءقازىر بولعان وقيعانىڭ بارلىق ءمان-جايىن انىقتاۋعا باعىتتالعان قاجەتتى تەرگەۋ ارەكەتتەرى جۇرگىزىلۋدە»، — دەدى ۆەدومستۆودا.
قازاقستان رەسپۋبليكاسى قىلمىستىق ءىس جۇرگىزۋ كودەكسىنىڭ 201-بابىنا سايكەس تەرگەۋ مۇددەسى ءۇشىن وزگە مالىمەتتەر جاريا ەتىلمەيدى، دەپ قوستى پوليسيادا.