شىمكەنتتە كولىك پوليسەيلەرى ءوتىپ بارا جاتقان پويىزعا تاس لاقتىرعان جاسوسپىرىمدەردى ۇستادى. كامەلەتكە تولماعاندار اتا-انالارىمەن بىرگە بولىمشەگە جەتكىزىلىپ، ولار بالالارىن ءتيىستى دەڭگەيدە تاربيەلەمەگەنى ءۇشىن جاۋاپكەرشىلىككە تارتىلدى، دەپ حابارلايدى infohub.kz سايتى.
كولىكتەگى پوليسيا دەپارتامەنتى ءباسپاسوز قىزمەتىنىڭ مالىمەتىنشە، ساراتوۆ — الماتى باعىتىنداعى جولاۋشىلار پويىزىندا قوعامدىق ءتارتىپ پەن قاۋىپسىزدىكتى قامتاماسىز ەتكەن شىمكەنت ستانسياسىنداعى پوليسيا باسقارماسىنىڭ قىزمەتكەرلەرى ورەسكەل قۇقىقبۇزۋشىلىقتىڭ جولىن كەستى. ۆاگون تەرەزەسىنەن ولار تەمىرجول بويىندا تۇرىپ، پويىزعا تاس لاقتىرىپ جاتقان ءۇش ءجاسوسپىرىمدى بايقادى.
جاعدايدى جىلدام باعالاعان ءتارتىپ ساقشىلارى پويىز ماشينيسىنە حابارلاسىپ، جىلدامدىقتى باسەڭدەتۋ تۋرالى نۇسقاۋ بەردى. قابىلدانعان شارالاردىڭ ناتيجەسىندە ءۇش ءجاسوسپىرىم ۇستالدى. كەيىن ولار اتا-انالارىمەن بىرگە شىمكەنت ستانسياسىنداعى كولىك پوليسياسى باسقارماسىنا جەتكىزىلدى. زاڭدى وكىلدەرىنىڭ قاتىسۋىمەن ولار ىستەگەندەرىن مويىندادى.
جاسوسپىرىمدەرمەن تەمىرجول كولىگى نىساندارىندا ءقاۋىپسىز ءجۇرۋ ەرەجەلەرى تۋرالى پروفيلاكتيكالىق اڭگىمە جۇرگىزىلدى، ال ولاردىڭ اتا-انالارى بالالارىن تاربيەلەۋ جونىندەگى مىندەتتەرىن ءتيىستى دەڭگەيدە ورىنداماعانى ءۇشىن جاۋاپكەرشىلىككە تارتىلدى.