الماتىدا قالالىق پوليسيا دەپارتامەنتىنىڭ بۇرىنعى باستىعىنىڭ ورىنباسارى ەرجان ۇزاباەۆتىڭ جۇرگىزۋشىسىنە قاتىستى سوت پروسەسى باستالدى. ول قىزمەتتىك مىندەتىن اتقارمادى دەپ ايىپتالۋدا. تەرگەۋ دەرەكتەرى بويىنشا، بۇل ال-فارابي داڭعىلىندا ءۇش ادامنىڭ ءومىرىن قيعان اپاتقا اكەپ سوقتىرعان. بۇل تۋرالى infohub.kz سايتى حابارلايدى.
تەرگەۋ مالىمەتىنشە، اپات بولعان ءتۇنى جوعارى لاۋازىمدى پوليسيا قىزمەتكەرىنىڭ جۇرگىزۋشىسى مەن 10 جىلعا سوتتالعان الەكساندر پاك كەزەكتەسىپ ءبىرىن-بىرى باسىپ وزعان. الماتى پوليسيا دەپارتامەنتىنىڭ بۇرىنعى ورىنباسارى ەرجان ۇزابايەۆ سوتتا كۋاگەر رەتىندە سويلەدى. ول سول كۇنى ايىپتالۋشى ونى قىزمەتتىك تاپسىرمامەن بىرگە ءجۇرىپ، كەيىن ۇيىنە جەتكىزىپ، كولىكتى اۆتوبازاعا تاپسىرۋى كەرەك بولعانىن ايتتى. ۇزابايەۆ الەكساندر پاكپەن جەكە تانىس ەمەس ەكەنىن، ءبىراق بۇرىنعى جۇرگىزۋشىسىنە وڭ باعا بەرەتىنىن دە مالىمدەدى.
ەسكە سالايىق، قايعىلى وقيعا 21 ناۋرىزعا قاراعان ءتۇنى ال-فارابي داڭعىلىندا بولعان. Zeekr كولىگى قارسى باعىتقا شىعىپ، Mercedes-پەن سوقتىعىسقان. سالدارىنان Mercedes جۇرگىزۋشىسى مەن ونىڭ ەكى جولاۋشىسى وقيعا ورنىندا قازا تاپتى.
الدىن الا سوت وتىرىسىندا Zeekr جۇرگىزۋشىسى قازا بولعانداردىڭ وتباسىلارىنا كوڭىل ايتىپ، ءوزىن ەشقاشان كەشىرە المايتىنىن ايتقان. جابىرلەنۋشى تاراپ ادۆوكات مەيىرمان شەكەەۆتىڭ قىزمەتىنەن باس تارتتى. قازا بولعانداردىڭ ءبىرىنىڭ تۋىستارى ايىپتالۋشىمەن تاتۋلاسقاندارىن مالىمدەپ، ونى باس بوستاندىعىنان ايىرماۋدى نەمەسە شارتتى مەرزىم بەرۋدى سۇراعان. قازا بولعان جولاۋشىنىڭ اناسى دا شارتتى جازا تاعايىنداۋدى وتىنگەن. كەيىن ءۇشىنشى جابىرلەنۋشى دە تالاپتارىنان باس تارتتى.
ايىپتالۋشى سول تۇنگى وقيعالار تۋرالى ايتىپ، جازادان قاشپايتىنىن مالىمدەدى. ىستە تاعى ءبىر جابىرلەنۋشى پايدا بولدى — Mercedes جولاۋشىسىنىڭ اكەسى 100 ميلليون تەڭگە كولەمىندە ازاماتتىق تالاپ قويدى.
22 ماۋسىمدا سوت Zeekr جۇرگىزۋشىسىن كىنالى دەپ تانىپ، ونى 10 جىلعا باس بوستاندىعىنان ايىرۋ جازاسىن كەستى. ول جازاسىن قاۋىپسىزدىگى تومەن مەكەمەدە وتەيتىن بولادى. سونداي-اق ول ءومىر بويى كولىك جۇرگىزۋ قۇقىعىنان ايىرىلدى.