شەتەلدە ءبىلىم الىپ جاتقان قازاقستاندىق ستۋدەنتتەر شەتەلدىك شوتتارى مەن اكتيۆتەرى بولسا، سالىق دەكلاراسياسىن تاپسىرۋعا مىندەتتى، دەپ حابارلايدى infohub.kz سايتى.
مەملەكەتتىك كىرىس ورگاندارى شەتەلدىك وقۋ ورىندارىندا ءبىلىم الىپ جاتقان قازاقستاندىق ستۋدەنتتەرگە جالپى دەكلاراسيالاۋ ماسەلەلەرى بويىنشا تۇسىنىكتەمە جاريالادى. 2025 جىلعا ارنالعان سالىق ەسەپتىلىگىن تاپسىرۋدىڭ نەگىزگى كەزەڭى 2026 جىلعى 15 قىركۇيەكتە اياقتالادى.
ءبىلىم الۋ ماقساتىندا شەتەلدە جۇرگەن قازاقستاندىقتار ق ر سالىق رەزيدەنتى مارتەبەسىن ساقتايدى. ولاردا دەكلاراسيا تاپسىرۋ مىندەتى تەك كەلەسى جاعدايلاردىڭ ءبىرى بولعاندا تۋىندايدى: 2025 جىلعى 31 جەلتوقسانداعى جاعداي بويىنشا شەتەلدىك بانك شوتتارىنداعى جيىنتىق قالدىق 1 000 اەك-تەن (3،9 ملن تەڭگە) اساتىن بولسا؛ ەل اۋماعىنان تىس جەردە تىركەلگەن م ۇلىكتىڭ (جىلجىمايتىن م ۇلىك، كولىك، بيزنەستەگى ۇلەس، باعالى قاعازدار، سيفرلىق اكتيۆتەر) بولۋى؛ 20 مىڭ اەك-تەن (78،6 ملن تەڭگە) اساتىن سوماعا ءىرى مامىلەلەر جاساۋ.
2025 جىلعى 1 قاڭتاردان باستاپ جالپى دەكلاراسيالاۋدىڭ حالىقتىڭ كەڭ توپتارىنا ارنالعان ءتورتىنشى كەزەڭىنىڭ كۇشى جويىلدى، بۇل ستۋدەنتتەردىڭ كوپشىلىگىن نەگىزگى ەسەپتىلىكتەن بوساتتى. سونىمەن قاتار، 2026 جىلعى 1 قاڭتاردان باستاپ كۇشىنە ەنگەن جاڭا سالىق كودەكسى شەتەلدىك جوعارى وقۋ ورىندارىنىڭ ستيپەنديالارى مەن گرانتتارىن تابىس سالىعىنان بوساتتى.
ۆەدومستۆو شەتەلدىك شوتتاردى جاسىرۋدىڭ ءتيىمسىز ەكەنىن ەسكەرتەدى، ويتكەنى قازاقستان حالىقارالىق اۆتوماتتى الماسۋ اياسىندا قارجىلىق مالىمەتتەردى تۇراقتى تۇردە الىپ وتىرادى. دەكلاراسيانى بەلگىلەنگەن مەرزىمدە تاپسىرماۋ اكىمشىلىك ايىپپۇل سالۋعا اكەپ سوعادى، ونىڭ مولشەرى 15-تەن 30 اەك-كە دەيىن. قۇجاتتاردى سالىق تولەۋشىنىڭ كابينەتى جانە بانكتىك ءموبيلدى قوسىمشالار ارقىلى ونلاين رەجيمدە تاپسىرۋعا بولادى.