تارازدا پاترۋل پوليسياسىنىڭ قىزمەتكەرلەرى تۇندە قالا كوشەسىندە ءقاۋىپتى دريفت جاساعان 28 جاستاعى جۇرگىزۋشىنى توقتاتتى. قۇقىق قورعاۋشىلار بۇل مانەۆردى بايقاپ، زاڭبۇزۋشىنى ۇستادى، دەپ حابارلايدى infohub.kz.
كەيىن انىقتالعانداي، ءقاۋىپتى جۇرگىزۋگە دوسىمەن بولعان داۋ سەبەپ بولعان. جۇرگىزۋشى ءوز شەبەرلىگىن دالەلدەگىسى كەلىپ، دريفت جاساپ، ونى بەينەگە ءتۇسىرىپ العان.
تەرگەۋ قورىتىندىسى بويىنشا ەر ادام جول توسەمىن بۇلدىرگەنى جانە تىنىشتىقتى بۇزعانى ءۇشىن اكىمشىلىك جاۋاپكەرشىلىككە تارتىلدى. سوت وعان 10 تاۋلىككە قاماۋ جازاسىن كەستى.
پوليسيا مۇنداي بۇزۋشىلىقتاردىڭ جولى كەسىلەتىنىن، ولارعا قاتاڭ شارا قولدانىلاتىنىن اتاپ ءوتتى.