تارازدا بولعان ءورت سالدارىنان 10 وتباسى باسپاناسىز قالدى — ادامدار جاقىنداپ كەلە جاتقان قىستان قورقىپ، شەنەۋنىكتەردەن كومەك سۇراپ وتىر، دەپ حابارلايدى infohub.kz سايتى.
باراك تيپتەس ءۇي شىرپىداي تۇتاندى. ەكى پاتەر مەن شاتىردىڭ ءبىر بولىگى — شامامەن 250 شارشى مەتر تولىق ورتەندى. ءورتتى سوندىرۋگە 30 ادام ءبىر جارىم ساعات بويى كۇرەستى.
ەندى 30 ادام، ونىڭ ىشىندە بەس بالا كوشەدە قالدى. بىرەۋلەرى تۋىستارىنا كەتتى، كەيبىرەۋلەرى ارنايى ورتالىقتارعا ورنالاستىرىلدى، ال تاعى بىرەۋلەرى ءورت ورنىنىڭ قاسىندا ۇيىقتايتىن ورىن جاساۋعا ءماجبۇر بولدى.
«ءبىز شاتىردا تۇرىپ جاتىرمىز. تۋىستارى بارلار سوندا تۇرىپ جاتىر. مۇندا ءقازىر ەشكىم تاماق پىسىرمەيدى. كوممۋنيكاسيا جوق. مۇلدەم ەشقانداي كومەك جوق»، — دەدى احمەتجان جامالبەكوۆ.
وقيعا ورنىنا قالا اكىمى كەلىپ، ورتتەن زارداپ شەككەندەرگە كومەكتەسۋگە ۋادە بەردى، ءبىراق تەك تج دەپارتامەنتىنىڭ قورىتىندىسىنان كەيىن عانا.
«ەكى كۇن ىشىندە تەرگەۋ ارەكەتتەرى تولىعىمەن اياقتالىپ، بىزگە ناتيجەلەرى ۇسىنىلادى. سولاردىڭ نەگىزىندە تولەم مولشەرىن انىقتايمىز. وسى قورىتىندى قولىمىزعا تيمەيىنشە، ەشنارسە ىستەي المايمىز»، — دەپ ءتۇسىندىردى قالا باسشىسى باقىتجان ورىنبەكوۆ.
وقيعا ورنىندا شىعىندى ەسەپتەپ، ءورتتىڭ سەبەپتەرىن انىقتاپ جاتقان ارنايى كوميسسيا جۇمىس ىستەپ جاتىر. حابارلانعانداي، ورتتەن زارداپ شەككەندەر بيۋدجەتتەن ءبىرجولعى تولەم الا الادى — ەڭ كوبى 1،3 ملن تەڭگە.