الماتى تۇرعىندارى قالاداعى ەڭ جۇيەلى كوشەلەردىڭ ءبىرى — ءال-فارابي داڭعىلىندا جابايى تۇلكىنى بايقادى. جىرتقىشتىڭ بەينەجازباسى الەۋمەتتىك جەلىلەردە تەز تارالۋدا، دەپ حابارلايدى infohub.kz سايتى.
تۇلكى تۇسىرىلگەن كادرلاردى barys_media Instagram-پاراقشاسى جاريالادى. بەينەجازبانىڭ استىنداعى جازبادا جانۋاردىڭ ءال-فارابي داڭعىلىندا تۇسىرىلگەنى كورسەتىلگەن.
ىلە-الاتاۋ ۇلتتىق تابيعي پاركىنىڭ NUR.KZ تىلشىسىنە حابارلاۋىنشا، بەينەجازبادا — كادىمگى تۇلكى (Vulpes vulpes). "بۇل — ءبىزدىڭ ايماق پەن الماتى ماڭى ءۇشىن ادەتتەگى ءتۇر، ىلە الاتاۋىنىڭ تاۋ بوكتەرى مەن تاۋلارىندا كەڭ تارالعان. قالا ىشىندە تۇلكىلەر سيرەك كەزدەسەدى، الايدا مۇنداي جاعدايلار مەزگىل-مەزگىل ورىن الىپ تۇرادى جانە بۇل ەرەكشە نارسە ەمەس. مۇنداي كەلۋلەردىڭ نەگىزگى سەبەبى — الماتىنىڭ جابايى جانۋارلاردىڭ تابيعي مەكەندەرىمەن تىكەلەي شەكتەسەتىندىگى"، — دەدى ۇلتتىق پاركتە.
مامانداردىڭ ايتۋىنشا، تۇلكىلەر وزەن اڭعارلارى مەن جاسىل ايماقتار ارقىلى قالاعا كىرە الادى، سونداي-اق ولاردى قولجەتىمدى ازىق كوزدەرى — كەمىرگىشتەر، قۇستار، تاماق قالدىقتارى جانە ءۇي جانۋارلارىنا ارنالعان جەم تارتادى. سونىمەن قاتار، قالاعا جاس جانۋارلار تارالۋ كەزەڭىندە ءجيى كەلەدى.
"ەگەر تۇلكى ساۋ كورىنسە جانە وزدىگىنەن كەتىپ قالسا، ارالاسۋدىڭ قاجەتى جوق — وعان جاقىنداماۋ جانە تاماقتاندىرۋعا تىرىسپاۋ ماڭىزدى. سونىمەن قاتار، تۇلكىنىڭ جانۋارلار مەن ادامدارعا ورتاق ءقاۋىپتى اۋرۋلاردىڭ، ونىڭ ىشىندە قۇتىرۋدىڭ تاسىمالداۋشىسى بولۋى مۇمكىن ەكەنىن ەستە ۇستاعان ءجون. سوندىقتان اگرەسسيا، ادامداردان قورىقپاۋ، باعداردىڭ بۇزىلۋى نەمەسە جاراقاتتار سياقتى ادەتتەن تىس مىنەز-ق ۇلىق بەلگىلەرى بايقالسا، ءتيىستى قالالىق قىزمەتتەرگە حابارلاۋ كەرەك"، — دەپ قوستى ۇلتتىق پاركتە.