قازاقستاندا زەينەتاقى راسىمدەۋ كەزىندە كەيبىر جاعدايلاردا ەڭبەك ءوتىلىن راستايتىن ارحيۆتىك انىقتاما قاجەت بولۋى مۇمكىن. بۇل قۇجاتسىز قيىندىقتار تۋىنداۋى ىقتيمال، دەپ حابارلايدى infohub.kz سايتى.
«ازاماتتارعا ارنالعان ۇكىمەت» مەملەكەتتىك كورپوراسياسىندا تۇسىندىرگەندەي، مۇنداي انىقتاما بارلىق بولاشاق زەينەتكەرلەرگە قاجەت ەمەس. ول ەڭبەك كىتاپشاسى بولماعان نەمەسە جارامسىز كۇيدە بولعان جاعدايدا تالاپ ەتىلەدى.
سونىمەن قاتار، ەڭبەك كىتاپشاسىندا تۇزەتۋلەر بولسا نەمەسە ونداعى مالىمەتتەر باسقا قۇجاتتارمەن سايكەس كەلمەسە، ارحيۆتىك انىقتاما قاجەت بولادى. بۇل جاعدايلاردا انىقتاما دەرەكتەردىڭ دۇرىستىعىن راستاۋ ءۇشىن قىزمەت ەتەدى، دەپ اتاپ ءوتتى كورپوراسيادا.
ال ەڭبەك كىتاپشاسى ساقتالعان جانە ەشقانداي سۇراق تۋدىرماسا، ارحيۆتىك انىقتاما الۋدىڭ قاجەتى جوق.
بۇعان دەيىن 2026 جىلدىڭ ءبىرىنشى جارتىجىلدىعىندا بجزق-دان ساقتاندىرۋ كومپانيالارىنا زەينەتاقى جيناقتارىنىڭ اۋدارىمدارى 92،9%-عا ءوسىپ، 292،8 ملرد تەڭگەنى قۇراعانى حابارلانعان بولاتىن. نەگىزگى درايۆەر زەينەتاقى اننۋيتەتى شارتتارى بولدى، ولار ءومىردى ساقتاندىرۋ كومپانيالارىنىڭ ساقتاندىرۋ سىيلىقاقىلارىنىڭ 63%-ىن قۇرادى.