جامبىل وبلىسىنىڭ شۋ اۋداندىق سوتى 1991 جىلدان بەرى ءوزى پايدالانىپ كەلگەن تۇرعىن ءۇي مەن جەر ۋچاسكەسىنە مەنشىك قۇقىعىن تانۋ تۋرالى ەر ادامنىڭ تالابىن قاناعاتتاندىرمادى. سەبەبى بۇل م ۇلىك وعان ەڭبەك قىزمەتىنە بايلانىستى قىزمەتتىك تۇرعىن ءۇي رەتىندە بەرىلگەن، دەپ حابارلايدى infohub.kz سايتى.
جامبىل وبلىسى سوتتارىنىڭ رەسمي Telegram-ارناسىندا جازىلعانداي، اۋداندىق سوت ەر ادامنىڭ اۋدان اكىمىنە قارسى ءۇي مەن جەر ۋچاسكەسىنە جۇرە پايدا بولعان مەنشىك قۇقىعىن (پريوبرەتاتەلنايا داۆنوست) تانۋ تۋرالى ازاماتتىق ءىسىن قارادى.
تالاپ قويۋشى داۋلى ۇيدە 1991 جىلدان بەرى تۇرىپ، ۇزاق ۋاقىت بويى اشىق جانە ۇزدىكسىز پايدالانعانىن نەگىزگە الىپ، وزىنە مەنشىك قۇقىعىن تانۋدى سۇراعان.
الايدا سوت ءۇيدىڭ تالاپ قويۋشىعا ۇيىمداعى ەڭبەك قىزمەتىنە بايلانىستى قىزمەتتىك تۇرعىن ءۇي رەتىندە بەرىلگەنىن انىقتادى. مۇنداي ۇيدە كوپ جىل تۇرۋدىڭ ءوزى م ۇلىكتى ءوزىنىڭ جەكە مەنشىگىندەي يەلەنۋ دەگەندى بىلدىرمەيدى.
سونىمەن قاتار سوت ءۇيدىڭ ۇيىم مۇلكىنە جاتاتىنىن، ال ۇيىمنىڭ شارۋاشىلىق جۇرگىزۋ قۇقىعى توقتاتىلماعانىن جانە جوعالماعانىن انىقتادى. بۇل قۇقىقتىڭ مەملەكەتتىك تىركەلمەۋى دە ونىڭ توقتاتىلعانىن كورسەتپەيدى.
قازىرگى تاڭدا ۇيىم كۇزەتشى ۇيلەرى مەن ولارعا قىزمەت كورسەتۋگە ارنالعان جەر ۋچاسكەلەرىنە قۇقىق بەلگىلەيتىن قۇجاتتاردى رەسىمدەۋ جۇمىستارىن جۇرگىزىپ جاتىر.
سوت جۇرە پايدا بولعان مەنشىك قۇقىعىن الۋ ءۇشىن م ۇلىكتى ءوزىنىڭ جەكە مەنشىگىندەي يەلەنۋ قاجەت ەكەنىن اتاپ ءوتتى. بۇل جاعدايدا تالاپ قويۋشىنىڭ تۇرۋى ەڭبەك قاتىناستارىمەن جانە قىزمەتتىك تۇرعىن ءۇي بەرىلۋىمەن بايلانىستى بولعان.
سوت شەشىمىمەن تۇرعىن ءۇي مەن جەر ۋچاسكەسىنە مەنشىك قۇقىعىن تانۋ تۋرالى تالاپ قويۋدى قاناعاتتاندىرۋدان باس تارتىلدى. شەشىم زاڭدى كۇشىنە ەنگەن جوق.