جەتىسۋ وبلىسىندا قازاقستان ازاماتتىعىن ساقتاپ قالعانىنا قاراماستان، ەلدەن شىعىپ كەتكەنىنە بايلانىستى توقتاتىلعان زەينەتاقى تولەمدەرى قايتا جالعاستىرىلدى. بۇل تۋرالى infohub.kz سايتى حابارلايدى.
NUR.KZ پروكۋراتۋراعا سىلتەمە جاساپ حابارلاعانداي، وبلىستىق قاداعالاۋ ورگانى جۇرگىزگەن جۇمىستىڭ اياسىندا كوكسۋ اۋدانىنىڭ تۇرعىنىنا زەينەتاقى تولەمدەرىن قالپىنا كەلتىردى. تولەمدەر ونىڭ ەلدەن شىعىپ كەتۋىنە بايلانىستى توقتاتىلعان ەدى، الايدا ول قازاقستان رەسپۋبليكاسىنىڭ ازاماتتىعىن ساقتاپ قالعان.
«وسى جۇمىس اياسىندا وبلىس پروكۋراتۋراسى كوكسۋ اۋدانىنىڭ تۇرعىنىنا قازاقستان رەسپۋبليكاسىنىڭ ازاماتتىعى ساقتالعانىنا قاراماستان، ەلدەن شىعىپ كەتۋىنە بايلانىستى توقتاتىلعان زەينەتاقى تولەمدەرىن قالپىنا كەلتىردى. قابىلدانعان شارالاردىڭ ناتيجەسىندە زەينەتاقى تولەمدەرى 2023 جىلعى 1 شىلدەدەن باستاپ قايتا جالعاستىرىلدى. توقتاتىلعان كەزەڭ ءۇشىن ازاماتقا تولىق كولەمدە تولەنۋگە ءتيىس 2،3 ملن تەڭگەدەن استام سوما ەسەپتەلدى»، — دەپ مالىمدەدى پروكۋراتۋرادا.
قاداعالاۋ ورگانىندا ەسكە سالعانداي، قسن №79 نورماتيۆتىك قاۋلىسىنا سايكەس مەملەكەتتىك بازالىق زەينەتاقى تولەمىن جانە جاسىنا بايلانىستى زەينەتاقى تولەمىن تاعايىنداۋ مەن الۋ قۇقىعىن ىسكە اسىرۋ كەزىندە قازاقستان رەسپۋبليكاسىنىڭ ازاماتىنا، ەگەر ول زاڭدا بەلگىلەنگەن وزگە دە شارتتاردى ساقتاعان بولسا، قازاقستان رەسپۋبليكاسىنىڭ اۋماعىندا تۇراقتى تۇرۋ تالابى قويىلمايدى.