باتىس قازاقستان وبلىسىنىڭ كرۋگلووزەرنوە اۋىلىندا جول-كولىك وقيعاسى بولدى. Lada Priora كولىگىنىڭ جۇرگىزۋشىسى ەكى ايەلدى قاعىپ، ولاردىڭ ءبىرى العان جاراقاتىنان قايتىس بولدى، دەپ حابارلايدى infohub.kz.
«موي گورود» باسىلىمىنىڭ مالىمەتىنشە، وقيعا كرۋگلووزەرنوە اۋىلىندا بولعان. Lada Priora تىزگىندەگەن جۇرگىزۋشى ەكى جاياۋ جۇرگىنشىنى قاعىپ، وقيعا ورنىنان قاشىپ كەتكەن. زارداپ شەككەندەردىڭ ءبىرى وقيعا ورنىندا قايتىس بولدى، ەكىنشىسى اۋرۋحاناعا جەتكىزىلدى.
باتىس قازاقستان وبلىسى پوليسيا دەپارتامەنتىنىڭ حابارلاۋىنشا، جۇرگىزۋشى ۇستالىپ، قاماۋعا الىنعان. جۇرگىزىلگەن ساراپتاما ونىڭ اپات كەزىندە ماس كۇيىندە بولعانىن كورسەتكەن. جكو فاكتىسى بويىنشا قىلمىستىق ءىس قوزعالىپ، تەرگەۋ امالدارى جۇرگىزىلۋدە.
«تەرگەۋ بقو پد باسشىلىعىنىڭ باقىلاۋىندا. وزگە اقپارات ق ر قپك-نىڭ 201-بابىنا سايكەس جاريا ەتىلمەيدى»، — دەپ مالىمدەدى پوليسيادا.
مەسسەندجەرلەردە جكو-دا انا مەن قىز زارداپ شەككەنى تۋرالى اقپارات تارالۋدا. بۇل اقپاراتتىڭ رەسمي راستاۋى ازىرگە جوق.