InfoHub Logo

1 Qazan - qarttar kúnine arnalǵan quttyqtaý tilek
Úlkendi syılaý men olarǵa qurmet kórsetý – ata-babadan kele jatqan saltymyz. Sizderdiń ómirlik tájirıbelerińiz ben aqyl-keńesterińiz, tálim-taǵylymdaryńyzdyń biz úshin orny bólek. Sebebi, árqaısylaryńyzdyń oblystyń ósip - órkendeýine qosqan úlesterińiz ben eńbekterińiz eren. Talaı jasty tárbıelep, izbasarlaryńyzdy ósirdińizder. Búgin, eńbekterińizdiń zeınetin kórip otyrǵan shaqta da Sizder urpaqtaryńyzǵa ıgilik pen izgiliktiń, paıym - parasattyń úlgisin tanytýdan jalyqqan emessizder.

Qarttyń jaýap sózi:
Siz qyrýar jumysqa qaramastan, úlkenderdi syılaý men qurmetteýge árdaıym ýaqyt taýyp jatasyz. Ol úshin óz atymnan, aqsaqaldar atynan myń alǵys. Sizdi óz basym júregi úlken, parasat - paıymy keń azamat retinde óte qurmetteımin. Jeke basyma qıyndyq túsken sátte, qoltyǵymnan kóterip, demeý boldyńyz. İnilik izettiligińizdi tanyttyńyz. Ol úshin aıtar alǵysym sheksiz. Eńbegińizge tabys tileımin. Elimizdiń mártebesi bıiktep, el - jurtymyzdyń bereke - birligi tası bersin

Ata-ájege arnalǵan tilekter
Altyn ájem meniń!
Tileýimdi tilegen, erkeligimdi kótergen, men aýyrsam – jany aýyrǵan, kórmeı qalsa saǵynǵan asyl ájetaıym! Kóńili keń, júregi meıirimdi, keýdesi qazyna, sózi qasıetti aq ájem meniń! Nurly júzińe jarasqan aq jaýlyǵyńnan, nemeresin barlyǵynan artyq jaqsy kórgen ystyq yqylasyńnan aınaldym!
Bar táttini aýzyma tosyp, bar jaqsyny ústime kıgizip, erkeletip ósirgen, qyzyq ertegisi men aqyl - ósıetin qulaǵyma quıýdan jalyqpaǵan dana ájem meniń. Árqashan ortamyzda osylaı urpaqtaryńnyń qyzyǵyna kenelip júre ber! Jasyńyz uzaq bolsyn, aýyrmańyz!

Ájetaı! Áýletimizdiń kıesi, barlyǵymyzdyń aqylshymyz, shańyraǵymyzdyń berekesin kirgizip otyrǵan asyl jan ózińizsiz!
Belińiz qaıysqansha eńbek etip, qanattyǵa qaqtyrmaı, tumsyqtyǵa shoqtyrmaı, meıirimińizdi tóge júrip kútip - baptap ósirgen ul - qyzdaryńyz órken jaıyp, búginde bir - bir shańyraqty qurap, ósip - óndi – qara ormanǵa aınaldy. Sol úshin urpaqtaryńyz sizge máńgi qaryzdar. «Anasy bar adamdar eshqashan qartaımaıdy» - deıdi. Alla sizge kúsh - qýat bersin! Ul - qyzdaryńyz ben nemere - shóberelerińizdiń ortasynda árdaıym júzińizden shýaq shashyrap, qyzyǵyna toımaı júre berińiz!

Altyn ájem meniń!

Tileýimdi tilegen, erkeligimdi kótergen, men aýyrsam – jany aýyrǵan, kórmeı qalsa saǵynǵan asyl ájetaıym! Kóńili keń, júregi meıirimdi, keýdesi qazyna, sózi qasıetti aq ájem meniń! Nurly júzińe jarasqan aq jaýlyǵyńnan, nemeresin barlyǵynan artyq jaqsy kórgen ystyq yqylasyńnan aınaldym!

Bar táttini aýzyma tosyp, bar jaqsyny ústime kıgizip, erkeletip ósirgen, qyzyq ertegisi men aqyl - ósıetin qulaǵyma quıýdan jalyqpaǵan dana ájem meniń. Árqashan ortamyzda osylaı urpaqtaryńnyń qyzyǵyna kenelip júre ber! Jasyńyz uzaq bolsyn, aýyrmańyz!

ATA - ÁJEGE

Aman bolsyn basyńyz,
Aǵarmasyn shashyńyz.
Shóbere súıip áli de,
Júzge jetsin jasyńyz.

60 ta ómir belesi,
Qartaıdym men demeshi.
Týǵan kúnde jyl saıyn,
Qýanyshqa bóleshi!

Ájetaı, nurǵa tolsyn júzińiz, Qýanyńyz, shattanyńyz, kúlińiz. Tirshiliktiń qyzyǵyna bólenip, Aman - esen ortamyzda júrińiz! Merekeń uzaǵynan bola bersin, Úı - ishiń nemere, shóberege tola bersin!

Ájetaı, meıiriń kóp tańdandyrǵan, Biz úshin qıyndyqtan sharshamaǵan. Jylýyn júregińniń aıamadyń, Ózińe boryshy kóp balalardyń. Tastańyz qıyndyqtyń syzyp bárin, Er jettik biz keshegi buzyqtaryń. Ájelep jan - jaǵyńda júre bersin, Bal tátti nemereler - qyzyqtaryń.

Aq aıdynǵa salyp baqyt kemesin, Jarqyn júzben qýanyshpen kelesiń, Qutty bolsyn jetpis besiń, ájetaı, Ózińizdi bir qudaıym demesin. Báıtereksiz japyraǵy jaıqalǵan, Barsha jurtqa jaqsylyǵyń baıqalǵan. Esen bolsyn urpaǵyńyz kóringen. Án qalyqtap, kúı tógilsin tórińnen, Baq ornasyn árdaıym basyńyzǵa. Jas qosylsyn, ájetaı, jasyńyzǵa,
Otbasyna qýanysh syılap talaı, Amandyqpen jetińiz júzge qaraı!