InfoHub Logo

1 qyrkúıek bilim kúnine arnalǵan senarı
Júrgizýshi:
Qaıyrly kún, qurmetti ustazdar men qadirmendi ata - analar!
Armysyzdar ardaqty, mektep oqýshylary men balaýsa baldyrǵandar! Bıylǵy 2018 - 2019 jańa oqý jylynyń basty merekesi kishkentaı búldirshinderimizdiń birinshi synypqa qadam basýy. Endeshe, «Alǵashqy qońyraý» atty saltanatty jıynymyzǵa qosh keldińizder!
Mektep degen bilim kúni, jyr kúni,
Mektep degen ǵylymnyń eń úlkeni.
Mektep degen tárbıeshi adamǵa,
Mektep degen danalardyń mekeni.
Qurmetti ustazdar, qonaqtar, ata - analar, aıaýly oqýshylar! Búgingi saǵynyshqa, shattyqqa toly «Alǵashqy qońyraý» merekelerińiz qutty bolsyn! Endeshe barlyǵymyz da saǵynyshpen kútken “Alǵashqy qońyraý” atty bilim kúnine arnalǵan merekelik sharamyzdy ashyq dep jarıalaımyz.
Shýaqty qyrkúıek aıynyń alǵashqy kúni barsha oqýshy qaýym altyn uıa mektebine qaıta oralyp, mektep tabaldyryǵyn alǵash attaǵan baldyrǵandarmen birge syńǵyrlaǵan qońyraý únimen tabysyp otyr.
Qurmetti ustazdar, qonaqtar, ata - analar, aıaýly oqýshylar! Búgingi saǵynyshqa, shattyqqa toly «Alǵashqy qońyraý» merekelerińiz barshalaryńyzǵa qutty bolsyn!
Kók týdyń jelbiregeni
Sap túzel, tik tur. Qazaqstan Respýblıkasynyń Memlekettik Týy resmı túrde engizilsin.
Sap túzel, tik tur. Qazaqstan Respýblıkasynyń memlekettik gımni oryndalsyn
Júrgizýshi:
Búgin bizdiń qýanyshymyzǵa ortaqtasý úshin merekemizge kelgen qurmetti qonaqtarmen tanys bolyńyzdar:
1. ________________________________________________________________
2. ________________________________________________________________
3. ________________________________________________________________
Júrgizýshi:
Jan shýaǵy, kún shýaǵy araı ma,
Ustaz degen áýlıedeı talaıǵa
Basyn ıip ótken joq pa biz túgil,
Ál - Farabı, Omar, ǵalym Abaı da.
«Alǵashqy qońyraý» merekesin saltanatty túrde ashý úshin alǵashqy sóz kezegi mektep dırektory Qýanyshev Aıbolatqa beriledi.
Júrgizýshi:
Bireýler enshi ap ómirden,
Attanbaq bolsa asyp qyr
Bireýler balǵyn kóńilmen
Alǵashqy qadam basyp tur
Sondyqtan da nazardy,
Solar jaqqa buraıyq
Baldyrǵandardy bazarly
Qarsy alyp, qol uraıyq – deı kele, búgingi mektep tabaldyryǵyn attaǵaly otyrǵan 1 - synyp oqýshylaryna sátti qadam, taýdaı talap tileımiz.
Halqymyz “Ata - baba dástúri - asyl mura” degendeı “Bala - baýyr etim” dep balasy shyr etip dúnıege kelgennen bastap, árbir qadamyna qýanyp, shildehana, besik toı, tusaý keser, ashamaıǵa otyrǵyzý sıaqty toılaryn jasaǵan. Al búgingi toıymyz búldirshinderdiń 6 - ǵa tolyp, 1 - synypqa qabyldanyp,“Alǵashqy qońyraý merekesine qatysý sáti.
Bul toı - balanyń bal dáýren shaǵymen qoshtasyp, bilimge talpynǵan qadamy.
Endeshe, birinshi synyp oqýshylaryn qurmet – qoshametpen qarsy alaıyq!
Birinshi synyptyń synyp jetekshisi:
Izmaǵanbetova Elmara Erbolatqyzy
Narmaǵanbet Jasulan Aıbekuly
Anýarqyzy Qaraqat
Amangeldi Asyl Nurlybekqyzy
Saılaýǵalı Ajar Nurbolatqyzy
Júrgizýshi:
Ortaǵa 1 - synypqa qadam tastaǵan búldirshinder keledi,
Júrek jardy taqpaqtaryn sizderge aıtyp beredi.
Jasulan:
Bıyl men de mektepke
Birinshige baramyn.
Maqtanbaımyn men tekke,
Daıyn dápter, qalamym.
Qaraqat:
Mektepke endi baramyz,
Biz oqýshy bolamyz.
Jaqsy oqyp sabaqty,
Kileń bestik alamyz.
Asyl:
Ósti mine boıymyz,
Ósti mine oıymyz.
Qýanyshqa ortaqpyz,
Qutty bolsyn toıymyz.
Ajar:
Mektep – qamqor anamyz
Oqyp bilim alamyz,
Ónerpaz bop ósetin
Biz oqýshy bolamyz!
Án: «Mektebim»
Júrgizýshi:
Qushaq jaıa qaı jerde de qarsy alar,
Abzal jan bar, bıik tulǵa baısaldy.
Qýanysh pen saltanatty shaqtarda
Qonaqtar da aq tilegin aqtarar - sóz kezegi qadirmendi qonaqtarda.
( qonaqtarǵa sóz beriledi)
Júrgizýshi:
Júregi nur, ómiri gúl ustazdyń,
Sondyqtan da ustazyńa uqsaǵyń.
Adam janyn tárbıelep aıalar,
Qurmetti ǵoı árbir isi ustazdyń – deı kele, sóz kezegin 1 - synypqa shákirtterin qabyldap otyrǵan ustazǵa beremiz. Qurmetpen ortaǵa 1 synyptyń muǵalimi Serıkova Gúlnar apaıdy shaqyramyz.
Júrgizýshi:
Qol jetkizgen ańsaǵan armanyna.
Jaqsy shákirt Azamat atanady,
Halqynan, ata - anadan bata alady.
Urpaǵyna aıtsyn dep aq tilegin,
Ortaǵa shaqyraıyq ata - anany - sóz kezegin balapandaryn ertip kelgen qurmetti ata - analarymyzǵa beremiz. Ortaǵa 1 synyptarynyń ata - anasy __________________________________________________ ortaǵa shaqyramyz.
Júrgizýshi:
Búldirshinder erteńgi el mamandary,
Qutty bolsyn alǵashqy qadamdary!
Qutty bolsyn bastalǵan oqý jyly,
Qutty bolsyn, bolashaq baspaldaǵy! – deı kele. Kelesi sóz joǵarǵy synyp oqýshylaryna beriledi.
Ashat:
Damyǵan elý eldiń qatarynda,
Qazaqstan erekshe atalýda,
«Rýhanı jańǵyrý» - men qazaq eli
Gúldenip kúnnen kúnge jaqsarýda.
Bir múdde, bir bolashaq, bir maqsatqa,
Elbasy bastap bergen saıasatqa,
Den qoıyp umtylyspen kúsh salamyz
Jeńiske jetý úshin bolashaqta
​1 qyrkúıek bilim kúnine arnalǵan senarı. júkteý​​​