InfoHub Logo

Táýelsiz eldiń urpaǵymyz
Sabaqtyń maqsaty: Oqýshylarǵa Táýelsizdiktiń kimderdiń qanymen, qandaı aýyrtpalyqpen kelgendigi jaıly aıtyp, ulttyq sezim, ulttyq maqtanysh, ulttyq sana, ulttyq paryzdy árbir qazaq balasynyń boıyna darytý.
Oqýshylardy týǵan jerin, elin, Otanyn súıýge patrıottyq tárbıe berý.
Sabaqtyń túri: "Zerde" zıatkerlik oıyn sabaǵy
Sabaqtyń kórnekilikteri: tapsyrma jazylǵan kitaptyń sýretteri, asyq, rebýs, sózjumbaq, Astananyń aıshyqty jerleriniń sýretteri, rámizder, taqyryptyń aty, sózder: Táýelsizdik - táńirden kelgen tátti syı

Ótilý barysy:
İ. Uıymdastyrý
1. Esimderge baılanysty toptarǵa bóliný. Lázzat Asanova, Mánshúk Mametova, Sabıra Mýhamedjanova, Baýyrjan Momyshuly, Álıa Moldaǵulova, Erbol Sypataev toptarǵa bólý.
İ top - Jeltoqsan toby, İİ top - Táýelsizdik toby
2. Ár top ózderin tanystyrý
«Bilim» toby
Urany: Bilimdi birdi jyǵar
Bilekti myńdy jyǵar
«Ushqyr» toby
Urany: Ushqyr oı tilden júırik
Ádilqazylar alqasyn saılaý: Tárbıeı isiniń meńgerýshisi: Kamzına S. O jáne matematıka pániniń muǵalimi Ádilbek Ámına

Muǵalim:
Qazaqstan kók baıraqtyń nury ediń,
Sen degende lúpildeıdi júregim.
Óziń meniń qýanyshym, baqytym,
Óziń meniń maqtanyshym tiregim.
Qyran qusym kók aspanda samǵasyn.
Jelbirep kók baıraǵyń san ǵasyr
Jas ulandar, berik ustap týyńdy
Jarqyratyp týǵan eldiń tańbasyn.
- Balalar, 16 - jeltoqsan qandaı mereke? - 16 jeltoqsan táýelsizdik kúni.
- Jeltoqsan oqıǵasy týraly sen ne bilesiń?
- Ol týraly biz kóp bilmeımiz ǵoı, sebebi sol kezde biz dúnıege de kelgen joqpyz. Ol týraly teledıdardan, ustazdardyń aıtýynan, kitaptardan oqyp júrmiz.
- Sol kezde nege qazaq stýdentteri alańǵa shyqty dep oılaısyńdar?
- Qazaqstan Kompartıa Ortalyq Komıtetiniń birinshi hatshysy qyzmetine G. Kolbınniń saılanýyna qarsylyq bildirip, alańǵa shyqty. Munyń sońy nemen aıaqtaldy, sen bilesiń be?
- Jastar alańǵa jınaldy. Aıaz qysyp, qys qaharyn tógip tursa da, jastar qataryn sıretpedi. Olardy taratý úshin bılik bar bilgen zulymdyǵyn jasap baqty. Olarǵa jala japty. Ultshyl, nashaqor dep kiná taqty. Júzdegen adamdar jaraqat aldy. Ustalǵany sottaldy. Sol eki kún kúlli álemdi dúrliktirdi. Birneshe kún Almaty qalasynyń barlyq qalalarymen baılanysy úzildi.
Keshikpeı Almaty qalasyndaǵy jeltoqsan oqıǵasynyń jańǵyryǵy Óskemen qalasyna da jetti. Stýdent jastar qala ortalyǵyndaǵy "Ýshanov" alańyna sherý tartady. Olardyń arasynda ádilet izdegen, alystaǵy Almaty jastarynyń beıbit sherýin qoldaǵan Sábıra Muhametjanqyzy da bolǵan. Sábıra úıindegi kenjesi. Jazyqsyz balaǵattap, uryp - soǵyp, temir torly jabyq kólikterge qamap, qalǵanyn qýyp jibergen.
Sábıranyń da oqý ornynda ata - analaryn shaqyrtqan úlken jınalys boldy. Anasyn kórgende Sabıra namystan jarylyp kete jazdady. Kóp kinalaý, jazyqsyz jala "Tentek" - degen ustazdar sózi janyn aıazdaı qarydy. Sábıramen sherýge shyqqan qurbylary únsiz jylaı berdi. Bir kezde Sábıra alǵa shyqty:
- Bárine kináli men. Jazalasańdar meni jazalańdar! Bulardyń esh jazyǵy joq. Olardy alańǵa men úgittep apardym. Bárine men jaýap beremin! Bulardy oqý ornynan qýmańdar. Sherýdi de men uıymdastyrdym, - dedi taısalmastan. Bári úndemeı qaldy. Sábıra kenet jınalysty tastaı salyp, syrtqa qaraı júgire jóneledi.
Sol júgirgen boıda namysshyl qyz jataqhananyń besinshi qabatynan sekirip ketedi. Jeltoqsanda janyn shúberekke túıgen Sábıradaı batyr qyzdyń aqtyq sózi búkil elge ańyz bolyp tarap ketti. Sábıranyń qysqa ǵumyry el jadynda máńgilikke jańǵyryp qaldy. Qazaq eli kóptegen er júrek qyz - jigitterinen aıyryldy.
Sol kezdegi jeltoqsan oqıǵasyna qatysqan jastar - naǵyz qaharman, erjúrek, adamdar dep moıyndaý kerek. Sol kúni táýelsizdik jolynda mert bolǵan jastarymyzdyń ańsaǵan armanyn tý etip, halqymyzdyń namysyna keýdesin tosyp qorǵaǵan, jandary tek shyndyq dep shyrqyraǵan Qaırat, Erbol, Sábıra, Lázzattar sol kezde qorlyq pen zorlyqtyń neshe túrin bastan keshti. Osyndaı qaısar rýhty aǵa - apalarymyzǵa qurmet kórsetý, olardyń erligin úlgi etý bizdiń mindetimiz.
Elbasymyz aıtqandaı, «Qazaqstan bolashaǵy – bilimdi urpaǵynda», olaı bolsa zıatkkerlik oıynymyzdy bastaıyq.
Oqýshylarǵa ushqyr oı, sáttilik tileımin!
1 - shi kim bastaıtynyn anyqtaý úshin, meniń qolymdaǵy sannyń qaı qolymda ekenin durys tabý. Sol sandy tapqan top 1 - shi bastaıdy. (16)
İ. Oıyn sharttarymen tanystyrý

İİ. Negizgi bólimder
• Oılan tap
• Bilgenge marjan
• Sózjumbaq
• Kóńildi rebýs sheshý
• Matematıka
• Arnaıy suraq

İ. Oılan tap
1 mınýt ishinde qysqa – nusqa «ıá» nemese «joq» dep jaýap berý.
1. Táýelsizdik kúni 16 jeltoqsan ba?( ıá)
2. Eltańbanyń avtory Nursultan Ábishuly Nazarbaev pa?(joq)
3. Qazaqstan Respýblıkasynyń memlekettik týynyń avtory Sháken Nıazbekov pe?(ıá)
4. Tuńǵysh Prezıdent kúni 4 jeltoqsan ba? (joq)
5. Qaırat Noǵaıbaıuly Rysqulbekovke "Halyq Qaharmany" ataǵy berildi me? (ıá)
6. Qazaqstan Respýblıkasynyń memlekettik eltańbasynda qyryn búrkit, kún, ulttyq oıý - órnek beınelengen be? (joq)
7. "Qazaqstan jańa jahandyq naqty ahýalda: ósim, reformalar, damý" atty joldaýy 30 - shy qarashada joldandy ma? (ıá)
8. Báıterektiń bıiktigi 97 metr me? (ıá)
9. Ultyna qamqor Elbasy atty synyp saǵaty ótti me? (ıá)
10. 2015 jyl Qazaqstan halqy assambleıasynyń qurylǵanyna 20 jyl toldy ma? (ıá)
11. Qaırat Rysqulbekov jazýshy ma?( joq)
12. Lazzat Asanova, Sabıra Muhamedjanova, Erbol Sypataev jeltoqsannyń qarlyǵashtary ma?(ıá)

İİ. Bilgenge marjan
6 kitaptyń bireýin tańdaıdy. Kitaptyń artynda suraqtar jazylǵan. Sol suraqtarǵa jaýap beredi.
1 - kitap Astana
Astanadaǵy qandaı aıshyqty oryndardy bilesiń?
2 - kitap Rámizder
Qazaqstan Respýplıkasynyń memlekettik rámizderin ata.
4 - kitap. Batyrlar
Jeltoqsannyń qarlyǵashtaryn ata.
5 – kitap. Handar
Qazaq handyǵyn eń alǵash qurǵan qaı handar?
Kereı han men Jánibek handar
6 – kitap Táýelsizdik
Táýelsizdik kúnin ata.

İİİ. Sózjumbaq «Otan» Eki top bir - birine daıyndap ákelgen sózjumbaqtaryn sheshedi.

İÚ. Kóńildi rebýs sheshý
Eki topqa daıyndap ákelgen rebýsty berý. Olar tez arada rebýsty sheshý kerek. "Astana"
Asyq,,,, kitap, nan,
Ú. Matematıka
Logıkalyq suraqtarǵa kezektesip jaýap berý
1. Úsh dos shahmat oınap otyr. Olardyń árqaısysy 2 partıa oınasa, barlyǵy neshe partıa oınaıdy? (3 partıa)
2. Apta kúnderiniń qaısysy "ma" býynymen aıaqtalady? (juma)
3. Otbasynda tórt bala bar: qyzdar qansha bolsa, uldar da sonsha. Otbasynda qyzdar qansha, uldar qansha? (qyzdar ekeý, uldar ekeý!
4. Muzaıdynda 6 bala syrǵanap júrdi. Olardyń ekeýi túski tamaq ishýge ketti, al tústen keıin olar muzaıdynǵa oraldy. Muzaıdynda qansha bala boldy?
5. Janýardyń eki oń aıaǵy, eki sol aıaǵy, eki aldyńǵy aıaǵy, eki artqy aıaqtary bar janýarda neshe aıaq bar? (4)
6. Shortan, alabuǵa jáne taban balyqtardy satyp aldy. Shortan taban balyqtan aýyr, al taban alabuǵadan aýyr. Qaı balyq eń jeńil? (alabuǵa)
Úİ. Arnaıy suraq 2 topqa bir suraq qoıylady. Kim birinshi sheshe, sol jeńiske jetedi.
"Q" árpinen bastalyp, "q" árpinen aıaqtalatyn eldiń atyn atańdar.

Úİİ. Qorytyndy: Jınaǵan upaı sandary eseptelip, oryndar anyqtaldy.
İ – oryn – «Bilim» toby İİ - oryn «Ushqyr» toby
İİ bólim
Án: Qazaq eli
Táýelsizdik
1. Marjan
Táýelsizdik - babalardyń urany,
2. Toǵjan
Táýelsizdik - erkindiktiń jyr - áni.
3. Bekzat
Táýelsizdik - halqymyzdyń baılyǵy
4. Nuraı
Táýelsizdik - Qazaqstan aıbyny.
5. Saıan
Táýelsizdik - eldigim, erkindigim
6. Nazerke
Táýelsizdik - aspanymyzda jarqyra,
Qyrandaı bolyp qalyqtashy árqashan!
İÚ. "Otan" óleńi oqıtyn Erjanuly Bekzat

Táýelsizdik arqasy
1 - oqýshy Nazerke
Táýelsizdik arqasy -
Ashylsa kókirek kózimiz,
Bılikke ótse sózimiz,
Eliniń en tarıhyn -
Endi ashyp jatsaq ózimiz.
2 - oqýshy Marjan
Táýelsizdik arqasy -
Jaltaqtatpaı bótenge,
Ie qyp ata-mekenge,
Qaıratty Qazaqstandy -
Tanytsaq alys shetelge.
3 - oqýshy Nuraı
Táýelsizdik arqasy -
Joryqta qarsy bel býyp.
Handyq qurǵan qazaqqa
Qurmet qylsa el turyp.
4 - oqýshy Toǵjan
Táýelsizdiktiń arqasy -
Toılasaq qazaq handyǵyn,
Ol - tektilik, arly uǵym.
Han urpaǵy máz búgin.
6 - oqýshy Saıan
Táýelsizdiktiń tańy atty

Án: Biz baqytty balamyz
Egemendiktiń arqasynda dúnıe júzine tanymal el boldyq. Ánuranymyz, Týymyz ben Eltańbamyz, qazaq tilimiz, tól teńgemiz bar. Egemendik úshin qan tókken aǵa - apalarymyzdyń erligin máńgi ese saqtaıyq.
Jeńimpaz komandaǵa syılyq berý. Astana kitabyn syıǵa tartý.

SHQO, Ulan aýdany, Januzaq aýyly.
Bastaýysh synyp muǵalimi
Kabdeshova Klara Kaztaevna