InfoHub Logo

Maqsaty: Balalarǵa adam boıyndaǵy jaqsy, jaman qasıetterdi úıretý, ádep álippesiniń kiltin jáne ádeptilik qasıetterdi boıyna sińirý;
Til baılyǵyn, tanym belsendiligin arttyrý.
Balalardy kishipeıildilikke, adamdarmen qarym - qatynas jasaı bilýge, úlkendi syılaýǵa úıretý.
Kórnekilikteri: Ádeptilikke baılanysty sýretter, naqyl sózder.

J ú r i s i:
- Búgingi bizdiń tárbıelik sabaǵymyz erekshe sebebi bizge qonaqtar keldi.
Kelgen qonaqtardy qalaı qarsy alýshy edik?
Balalar shattyq sheńberin quryp, amandasady.
- Kúnniń kózi ashylyp,
Kókte shýaq shashylyp
Qutty qonaq kelipti
Tórimizge enipti
Amandasý úlkenge
Tárbıeniń basy ǵoı
Al, qanekeı bárimiz
Sálem deıik úlkenge
Sálemetsizder me, Apaılar?!
Balalar oryndaryna otyrady.
Al. Búgin qonaqtarymyzǵa bizdiń syı - qurmetimiz, ol senderdiń sabaqty muqıat tyńdap, tynysh otyryp, bilimderińdi artyp, sóz baılyǵymyzdyń molaıǵanyn kórsete bilseńder, qonaqtardy durystap kútip syılaı bilgenimiz.

Kelińiz,
Tórletińiz,
Úlkenge de -«siz»
Kishige de - «siz»
Qurmetteımiz biz.
Eı, tákappar dúnıe,
Maǵan da bir qarashy.
Tanımysyń sen meni
Men qazaqtyń balasy.- dep aqyn atamyz jyrlaǵandaı ózimizdi tanystyramyz.

- Sálemetsizder me?
- Sálem sózdiń anasy.
- Armysyzdar, qurmetti qonaqtar?
- Aldaryńyzda «Dostyq» balabaqshasy «balapan» tobynyń balalary.
Endi bir - birimizdiń qolymyzdan ustap, alaqan jylýy arqyly jyly lebizder aıtaıyq.
- Men ózime, týystaryma, áke - shesheme, aǵama, apama densaýlyq tileımin.
- Ózimniń kórshilerime, kelgen qonaqtarǵa, dostaryma baqyt tileımin.
- Bizdiń elimizde búkil jer sharynda beıbitshilik bolsyn!
- Bárekeldi, jaraısyńdar, bir - birimizge bildirgen jyly lebizde qabyl bolsyn.
Al balalar senderdiń «Ádeptilik - ádemilik» eline barǵylaryń kele me?
«Ádeptilik - ádemilik» elinde qandaı balalar turady dep oılaısyńdar?

Oıyn: Jalǵastyr.
Ne isteýge bolmaıdy?
- Úlkenderdiń aldynan kesip ótýge bolmaıdy.
- Qustardy atýǵa bolmaıdy.
- Balabaqshaǵa keshigýge bolmaıdy.
- Kishkene balalardy urýǵa bolmaıdy.
Ne isteý kerek?
- Úlkendi syılaý kerek.
- Úlkenge sálem berý kerek.
- Tártipti bolý kerek.

Bizdiń balalar ádeptilik týraly taqpaqtaryn aıtady:
Arsen:
Atam maǵan ámanda
Ádepti jan bol degen
Ata sózi sanamda
Jasy úlkenge jol berem.

Erkenaz:
Aldyn orap kisiniń
Kesip ótpeı kóldeneń
İzetimen kishiniń
Sálemdesip qol berem.

Jannur: Syılap sálem beremin
Kórshilerdi kórgende.
İzetti dep bilemin,
Úıge qonaq kelgende
Ádepsiz dep sókpesin
Anama aıtyp ókpesin.

Nurasyl: Atam maǵan ámanda
Kishipeıil bol degen
Ata sózi sanamda
Maqtanbaýdy jón kórem

Aqerke: Ózgelerden ózimdi
Sanamaıtyn joǵary
Artyq aıtyp sózimdi
Jelpingenim joq áli.

Áıgerim: Ádeptilik degeniń
Árqashanda keregiń
Ásempazdyq degeniń
Áýre sarsań álegiń.

Kórinis: Áje rólinde: Alına, Qyz bala rólinde: Áıgerim.
- Armysyń áje?
- Bar bol balam.
- Úı ishi bala-shaǵańyz aman ba?
- Táńirge táýbe, barlyǵy qýatty aman - esen.
- Laıym jaqsy bolsyn
- Ózińe de allanyń nury jaýsyn, balam!

Sandyq ishinen suraq alynyp, daýystap oqylady.
- Búgingi tárbıe sabaǵymyzdan ne úırendik?
Ne bildik?
Bizdiń atalarymyz óz oıyn tujyrymdap, oı qorytyndysyn maqal - mátel arqyly jetkizgen.
Al, endi bizde sabaǵymyzdyń qorytyndysyn maqal - mátel arqyly jetkizeıikshi.
Ádeptilik jaıly maqal - mátelder.
Aınel: Ádepti bala ata - anasyn maqtatar,
Ádepsiz bala ata - anasyn qaqsatar.
Tolǵanaı: Ádepti bala jol silteıdi
Ádepsiz bala qol silteıdi.
Madıar: Ádeptilik belgisi - ıilip sálem bergeni.
Ashat: Kishipeıil bolǵannan
Kishireıip ketpeısiń.
Erkenaz: Ádepti bala arly bala
Ádepsiz bala sorly bala.
«Ádepti bala qandaı bolý kerek?»
Anam maǵan: «Úlkendi syıla» degen
Sol sóz maǵan izgilik quıǵan eren.
Úlkenderden aýysqan kemshilikti
Úlkenderdiń ózine syıǵa berem.
- Ádep sóziniń maǵynasyn qalaı túsinesińder?
- Osy sóz sizderge unaı ma? Osy sózdi senderge syılaımyn, eshqashan joǵaltpańdar.