InfoHub Logo

Jasynan kedeı batyrdyń dáýleti qartaıa kele tipti sarqylady. Balalary da kóp, onyń ústine birazy óz aýzyna óz qoly jetpegen jas bolsa kerek. Bir kúni úı syrtyna alty-jeti salt atty kelip túsýge yńǵaılanady. Olardy kórgen batyrdyń qart báıbishesi sasqanynan:

— Atalaryń úıde joq edi desem qaıter edi? — depti. Sonda:

— Ýa, bar bolǵyr, meni tirideı joq degeniń sasqanyń ba? Ózim túsirip alamyn olardy, — dep dalaǵa shyǵady da, áli at ústinde turǵan meımandarǵa:

— Ýaǵaláıkúmússálem, balalarym,
Qartaıǵan aldyńda tur babalaryń.
Kóp boldy meımandardy kórmegeli,
Qýandym kóringennen qaralaryń.
Ýa, bar bolsa bir qoıdy ákep soıar edim,
Basyn sap aldaryńa qoıar edim.
Qosylyp sizdermenen rahattanyp,
Ózim de, úı-ishimmen toıar edim.
Baǵym da barlaı bermeı, tynyp qaldy,
Saǵym da samǵaı bermeı, synyp qaldy.
Kelgendeı kemeline kedeılik ıt,
Jeligip jelkege kep minip aldy.
Joqtyq sum jomart erdiń qolyn baılap,
Keldi de keńirdekten ilip qaldy.
Aıyzy aqymaqtardyń qanǵandaı bop,
Kúnshilder kóre almaǵan kúlip qaldy.
Keshegi «Aǵań» deıtin ardaqtaýlar,
Tuǵyrdan túskennen soń tuıyqtaldy.
Kóp boldy qysqy dámnen tazarǵanbyz,
Toqtydan keshe soıǵan jilik qaldy.
Sol soıǵan toqtymyzdan jilik jeısiń,
Eski ettiń joq ekenin bilip jeısiń.
Sheńgeldep asaıtuǵyn kóp etim joq,
Aqyryn qos saýsaqpen ilip jeısiń.
Birde bar da, birde joq taba nanym,
Buryn da qonaq kútken babalarym.
Toımasań da bolarsyz bóri qursaq,
Renjimeı túse ber, balalarym, —

degen eken.

Oqýǵa keńes beremiz:

Naýryzbaıdyń qaryndasy

Naýryzbaıdyń jolbarysty óltirýi

Qurmanquldyń Naýryzbaıdyń erligine rıza bolýy

---