InfoHub Logo

Aǵybaı batyrdyń kenje uly Qashqynbaı on shaqty jigittiń batpaqqa batqan atty shyǵara almaı jatqanyn kórip, qınalǵan janýarǵa jany ashyp, belinen batpaqqa kirip jalǵyz ózi atty jaǵaǵa alyp shyǵady.

Tańqalǵan eldiń arasynda balasynyń erligine súısine qarap otyrǵan Aǵybaı ishinen: «Jel jaqqa ustar, jaýǵa salatyn ulym osy eken», — dep maqtanysh tutady. Sol kúni keshke Qashqynbaıdyń denesi isip, belýardan tómengi jaǵy qaraıyp ketip, kelesi kúni erteńgisin qaıtys bolady.

On jeti jasar ulynyń qazasy janyna batqan, ári «ózimniń kózim tıdi» dep qatty qapalanǵan Aǵybaı kúńirenip, qaıǵyryp tóseginde jatyp qalypty. Sonda ıgi jaqsylary qasynda, ulytaýdan kelgen Naıman Balta aqyn batyrdy qushaqtap kórisip, jubatqany:

— Alla isinde buzyq joq,
Ólmesin dep ázelde.
Jazyp qoıǵan syzyq joq,
Uly ólmeıtin urymda joq,
Qyzy ólmeıtin Qyrymda joq,
Qatyny ólmeıtin halyqta joq,
Áste ólmeıtin tarıhta joq,
Qoıyn toly saf altyn
Sarqylmaǵan qaıda joq.
Qabyndap kelgen qaıǵydan
Tirige tıer paıda joq.
Elge pana, Aǵybaı, Jerge pana,
Aǵybaı, Erdiń eri emes pe ediń,
Egeýdiń synyǵy emes pe ediń,
Kóter beri basyńdy,
Qaıǵy jeıdi jasyńdy...

Ejelden kele jatqan dosy Balta aqynnyń osy sózinen Aǵybaı oılanyp, táýbaǵa kelip, birazdan soń basyn kóteripti.

Oqýǵa keńes beremiz:

Naýryzbaıdyń qaryndasy

Naýryzbaıdyń jolbarysty óltirýi

Qurmanquldyń Naýryzbaıdyń erligine rıza bolýy

---