InfoHub Logo

Baryp qaıtatyn eń jaqsy jerdi tabýdan kúderińizdi úze bastasańyz, bizdiń jaqsy jańalyǵymyz bar: qıyn jumystyń bárin siz úshin istep qoıypty. Shartaraptyń saıahatshylary osy jylǵy eń tamasha elderdi tańdap shyqty. Bul tizimge jaǵajaıda demalǵandy, jaıaý aralaǵandy qalaıtyndardyń, tipti úlken qalanyń burq-sarq qaınaǵan ómirin kórýge asyqqandardyń da súıikti jerleri endi.

Biz osy týrısik baǵyttardyń onyn daralap, ol jerlermen ómirde bir ret bolsa da júrip ótý qajettiginiń talas týdyrmas dálelderin keltirip otyrmyz. Endi bizge bul tizimde nege Shotlandıa birinshi orynda turǵany túsinikti, Shotlandıa kórkem tabıǵat kórinisteri bar fılmderdi túsirýge taptyrmaıtyn el.   

Perý (16-oryn)

^{© depositphotos.com}

Bul el óziniń ınkterden qalǵan qalalardyń qırandylarymen, Amazonka aımaǵynyń orman-toǵaılary, Tıtıkaka kóli, And taýymen t.b jerlerimen ózine baýraıdy.

^{© depositphotos.com}

Machý-Pıkchýdyń qasıetti qırandylaryn baryp kórgen kezde neni qaperde ustaǵan jón: bul jerge baratyndardyń kóptigi sondaı, úkimet onda kirýge jańa shekteý qoıdy. Endi ol kórikti jerlerdi aralaýdyń qatań tártibi bar, al kirý bıletteri satylǵan soń 4 saǵat ishinde ǵana jaramdy. 

Fınlándıa (14-oryn)

^{© depositphotos.com}

Fınlándıany Myń kóldi el dep jıi ataıdy, naqtyraq aıtsaq, onda 180 000 astam kól bar eken. Bunda tumsa tabıǵatty jaqsy kóretinder adamdy ádemiligimen baýrap alatyn araldardy, eldiń ¾ aýmaǵyn alyp jatqan mańǵaz ormandardy aralap kórýden lázzat alady.  

Búdjeti shekteýli saıahatshylarǵa arnalǵan bonýs: Fınlándıaǵa barý basqa da Soltústik Eýropa elderine qaraǵanda edáýir arzanǵa túsedi.   

Úndistan (13-oryn)

^{© depositphotos.com}

Bul el óziniń as-taǵamdarymen, keremet jaǵajaılarymen jáne mádenıetiniń san alýandyǵymen eliktiredi.  

Úndistanda saıahattaýshynyń álemdegi eń kóne turaqty meken bolyp kele jatqan qalalardyń biri Varanasıdi kóretin múmkindigi bar, osynyń ózi-aq este qalarlyq oqıǵa bolady. Ol qaladaǵy ǵıbadathanalardyń sany da esten tandyrady: bunda olardyń sany 23 000 asyp jyǵylady.

Meksıka (12-oryn)

^{© depositphotos.com}

Meksıka búkil dúnıe júzinen ózine týrısterdi magnıtshe tartyp turatyn ǵalamat jaǵajaılarymen jáne fantasıkalyq ejelgi qurylystarymen maqtana alady. Sol qurylystardyń biri, maıa órkenıetinen qalǵan 1 500 jyldyq Chıchen-Isa qalasy álemniń jańa 7 ǵajaıyby tizimine engen.

^{© depositphotos.com}

Chıchen-Isa óziniń aıryq dybystyq effektilerimen tanymal. Jurttyń aıtýynsha, Kýkýlkan pıramıdasy aldynda qol shapalaqtasań (sýrette), maıa mádenıetinde qasıetti bolyp sanalatyn qus ketsaldyń shyqylyqtaǵanyna uqsas dybystyń jańǵyryǵy shyǵady.   

AQSH (9-oryn)

^{© depositphotos.com}

AQSH Nú-Iorktyń ataq-dańqymen ǵana shektelip turǵan joq; bul el kóp-kórim jaǵajaılarǵa, landshafttary san qıly ulttyq qoryqtarǵa óte baı.   

^{© depositphotos.com}

Ol eldiń 4 ulttyq qoryǵy soltústiginde ornalasqan. Sonymen qatar olardyń biri, Geıts-of-Arktık ulttyq qoryǵy kontınenttegi eń shalǵaı jerlerdiń birinde tur. Ol jerde salynǵan joldar nemese súrleýler múldem joq.    

Islandıa (8-oryn)

^{© depositphotos.com}

Jergilikti tabıǵat kórinisteri ashyqhattardan kóshirip alynǵan sıaqty bolyp turady. Biregeı dástúrleri men harızmasy ústem astanasy Reıkávık kez kelgen saıahatshyny tánti qylatyny anyq.   

Bul jerdegi teriskeı shuǵylasynyń ádemiligin umytý múmkin emes: Islandıanyń polárlik sheńberge jaqyn ornalasqany ol eldi osy qubylysty tamashalaýǵa eń jaqsy jerlerdiń biri etedi. Teriskeı shuǵylasyn qyrkúıektiń orta tusynan bastap sáýirdiń bas kezine deıin kórip tamashalaǵan durys.  

Ońtústik Afrıka (5-oryn)

^{© depositphotos.com}

Saıahatshylar Ońtústik Afrıka eline áıgili Tórtkil taýdyń kóz tartar jerlerin kórýge, jergilikti biregeı sharaptan dám tatýǵa, keremet jaǵajaılarynda jatyp, safarıge shyǵý úshin barady.

^{© depositphotos.com}

Krúger ulttyq qoryǵy kez kelgen qyzyqty oqıǵalarǵa áýes adamnyń kóńilinen shyǵady. Kontınenttegi eń úlken qoryqtardyń biri bolatyn tabıǵat aıasy 19 500 km² jerdi alyp jatyr. Bul jer myńdaǵan pildiń, afrıkalyq býıvoldyń jáne qabylannyń mekeni bolyp tabylady.   

Ońtústik Zelandıa (3-oryn)

^{© depositphotos.com}

Uzaq ýaqytyn ushaqta ótkizýge táýekel etkender jergilikti flora men faýnanyń neshe túrine qaryq bolady.

^{© depositphotos.com}

Bul bas aınaldyrar belesterdiń, jaıly jaǵajaılardyń, álemge áıgili fordtardyń otany: olardyń eń úlkeni uzyndyǵy 27 km jáne aýdany 101 myń sharshy km bolatyn Tasman muzartty. Osynda, ńóńderge (aısberg) óte jaqyn tusta, qaıyqpen júzip júrý kóńilde óshpes áser qaldyrady.   

Kanada (2-oryn)

^{© depositphotos.com}

Samaladaı jarqyraǵan qalalar men tańdandyrmaı qoımaıtyn ulttyq qoryqtar Kanadanyń eń áıgili kórikti jerleri bolyp tabylady. Eldiń eń iri Výd-Baffalo ulttyq qoryǵynyń aýmaǵy Shveısarıadan úlken jáne 45 000 sharshy km-ge jýyq jerdi alyp jatyr.   

^{© depositphotos.com}

Kanadadaǵy taýlar ondaǵan qysqy oıyn-saýyq túrlerine arnalǵan qyzǵylyqty jerlerdi jasyryp tur jáne shańǵyshylar men snoýbordshylar úshin eń tartymdy jerlerdiń birine aınalǵan.   

Shotlandıa (1-oryn)

^{© https://www.shutterstock.com}

Saıahatshylar Shotlandıaǵa ǵajap qamaldardy, sheti-shegi joq jabaıy jaǵajaılardy jáne tylsymǵa toly kólderdi kórýge barady. Bul jerde velesıpedpen júrý jáne jaıaý týrızm qajetti sharalar ekeni tań qaldyrmaıdy. Greıt-glen-ýeı jáne Ońtústik Haılend-ýeı sıaqty jaıaý júretin uzaq joldar tájirıbeli týrıster úshin álemdegi eń úzdik baǵyttardyń biri bolyp tabylady.   

^{© depositphotos.com}

Dúnıe júzine máshhúr rejıserler úshin Shotlandıanyń tabıǵı sulýlyǵynyń orny bólek:  «007: "Skaıfol" koordınattary»,  «Qaısar júrek», «Prometeı» jáne basqa ondaǵan erekshe yqylasqa bólengen fılmder dál osy elde túsirilgen.  

Osy jerlerdiń qaısysyna jolyńyz túsken edi? Kópti kórgen saıahatshylardyń tańdaýymen kelisesiz be, pikirińizdi bildirińiz. Álde óz elimizde de osyǵan uqsas jerler bar ma?