InfoHub Logo

Almatyda úshinshi temirjol vokzalyn salýdy kózdeıtin (EGJ) jobasy tanystyryldy. Bul joba buryn jarıalanǵan birqatar qujatta, sonyń ishinde Almatynyń 2040 jylǵa deıingi Bas josparynda jáne kólik qańqasynyń sheber josparynda kórinis tapqan.

Alataý aýdanyndaǵy Almaty-3 vokzalynyń qurylysy aglomerasıany damytý jónindegi jobalar keshenine kiredi. Jańa temirjol platformasy júk jáne jolaýshylar leginiń bir bóligin qaıta baǵdarlaýǵa, sonymen qatar, aınalymǵa qosymsha jolaýshylar poıyzdaryn qosýǵa múmkindik beredi, sonyń esebinen qalalyq avtojol ınfraqurylymynyń kólik júktemesi azaıady.

«Jańa temirjol platformasyn salýǵa arnalǵan aýmaq «Qazaqstan temir joly» Ulttyq kompanıasy» AQ-ǵa tıesili magıstraldyq jelide ornalasqan. Vokzal Mádenıet shaǵyn aýdany mańynda salynady. Platformany «Qazaqstan temir joly» salady. Bizdiń basty mindetimiz – ETJ-da vokzal men vokzal mańyndaǵy alańdy qamtamasyz etý boldy. Qazir 2 apta buryn jarıalanǵan kólik qańqasyna sáıkes tehnıkalyq-ekonomıkalyq negizdemesi daıyndalyp jatyr. Biz onyń merzimin 2026-2027 jyldar dep qarastyryp otyrmyz», – dedi Almaty ákiminiń orynbasary Asqar Ámrın.