InfoHub Logo

Altyn kúz, ásem aınalam, Eline bereke syılaǵan «Kúnshýaq toby» 3 - 4 jas
Zal ishi merekege saı bezendirilgen.
Júrgizýshi:
Qarsy alaıyq bárimiz,
Jasymyzben kárimiz.
Qyrdan kepti qydyryp,
Altyn kúz bizge nur tógip.
Tilegim aman bolsyn el irgesi,
Altyn kúz qaıta keldi berekesi.
Molshylyqtyń jarshysy bola bildi,
Altyn kúz - yrys, bereke, birlik ala keldi.

Júrgizýshi: Armysyzdar aǵaıyn! Sálemetsizder me, qadirli qonaqtar! Búgin biz jyl mezgilindegi eń tamasha -«Altyn kúz, ásem aınalam, Eline bereke syılaǵan» atty erteńgiligimizge qosh keldińizder!
Kún sýytyp keledi,
Japyraqtar túsedi,
Astyq jemis jıyldy,
Qambamyzǵa quıyldy.
Ardaqty kúz myń alǵys,
Aldyq ónim syıyńdy.

Án «Jomart kúz»

Júrgizýshi:
Bulttar tógip jerge shógip,
Dymqyl tuman basady.
Shóp sarǵaıyp, óńi taıyp,
Dala sury qashady.
Boı jaza almaı, oınaı almaı,
Deneń muzdap tońady.
Bóbekterim aıtyńdarshy,
Bul qaı kezde bolady?(Kúz).
- Balalar qazir jyldyń qaı mezgili?
Kúz mezgili.
- Kúz mezgiliniń qaı aıy.
Qazan aıy.
Durys aıtasyńdar balalar. – Minekeı kúz de kelip jetti.
- Kúzde qandaı ózgerister, qubylystar bolady.
- Jańbyr jıi jaýady.
- Kún sýyta bastaıdy, adamdar jyly kıinedi.
- Qustar jyly jaqqa ushyp ketedi.
«Kók maısaly kórikti, alqaptaǵy kóp egin,
Bul kúnderi kıipti, sary jibek kóılegin»- Bul ne, balalar? (Kúz)
Osy kezde Kúz hanshaıymy sebetke salǵan jemisterimen, bılep kiredi.
Kúz hanshaıymy:
Sálem meniń dostarym,
Ómirge kóp qosqanym.
Kúz syılyǵyn alyńdar,
Syılyǵyna qanyńdar.
Molshylyqqa kenelip,
Shattyq ánge salyńdar.
Kúz hanshaıymy: - Balalar, men senderge jumbaq jasyraıyn sender sheshýin tabyńdar.
Órik, alsha,
Shıe alma.
Jıdek, júzim pisedi.
Qaýyn, qarbyz,
Qıar, sábiz,
Dúkenderge túsedi.
Bul qaı kezde bolady?(kúz mezgilinde)
- Jaraısyńdar balalar!
«Kúz hanshaıymy» bizdiń balalardyń sizge arnaǵan óleń, taqpaqtary, shaǵyn kórinisteri bar eken. Bizben birge tamashalaısyz ba?
Kishkentaı búldirshinderimizdiń sizge arnaǵan taqpaqtaryn tyńdaıyq.

Arystan.
Oı balalar, balalar,
Qońyrqaı kúz bolypty.
Qýrap japyraq solypty,
El eginin orypty.
Oı balalar, balalar,
Oınaıyq ta kúleıik.

Taır
Berekesin syılaýǵa,
Ólkemizge kúz keldi.
Jemisterin jınaýǵa,
Shaqyrady bizderdi.

Shashýbaı kentindegi «Mektep – balabaqsha kesheni»
bazasyndaǵy Tirek mektebi (resýrstyq ortalyq)»
komýnaldyq memlekettik mekemesi
«Baldyrǵan» balabaqshasynyń ekinshi sanatty tárbıeshisi
Týbıtaeva Lázat Myrzakasymovna
Altyn kúz, ásem aınalam, Eline bereke syılaǵan. júkteý
Kúz týraly óleńder toptamasy