InfoHub Logo

Elısar NURMAǴAMBETOV

jas kásipker:

- Qaıyrly kún, Elısar myrza! Eń aldymen amerıkandyq tanymal Forbes Next 1000 tizimine  enýińizben shyn júrekten quttyqtaımyz!  Bul jetistikke qalaı qol jetkizdińiz? Neden bastadyńyz?

- Barlyǵyńyzǵa shynaıy alǵysymdy bildiremin! Jaqyndarymnyń, dostarymnyń jáne jerlesterimniń qýanyshy men qoldaýy men úshin Forbestyń ózinen góri mańyzdyraq.

Men AQSH-ta  on  jyldan beri boldym. Ózimdi osy elde ártúrli salalarda synap kórdim. 2017 jyly álemdegi eń iri ınovasıalyq ortalyqtyń - Plug and Play-tiń rezıdenti boldym. Onda fıntekstermen, banktermen jáne basqa da qarjy ınstıtýttarymen jumys jasaý baqyty buıyrdy. Osy salada óz tájirıbemdi shyńdaı otyryp, jobamdy osy baǵytta júzege asyrýǵa arnalǵan kóptegen ıdeıalar paıda bola bastady.

- Elısar myrza, oqyrmandarymyǵa ózińiz jaıly tolyǵyraq aıtyp berseńiz. Qaıda týyp óstińiz?

- Men Almaty qalasynda týyp óstim. №105 gımnazıany bitirdim, bul maǵan jaqsy oqý bazasyn berdi dep aıta alamyn. Men ózimniń Qazaqstanda týyp óskenime óte qýanyshtymyn, óıtkeni biz qorshaǵan ortada dostyq, adamdarǵa degen súıispenshilik jáne kómek sıaqty mańyzdy ómirlik qundylyqtardy bilip óstik. On segiz jasymda men bolashaqta Qazaqstan úshin qundy bolatyn bilim men tájirıbe jınaý maqsatynda Amerıka Qurama Shtattaryna jol tarttym.

- Consilienz bul qandaı júıe? Qandaı qyzmet atqarady?

- Consilienz - qylmystyq jolmen alynǵan kiristerdi zańdastyrý, terorızmdi qarjylandyrý jáne adam saýdasyn anyqtaý jáne tergeý júıesi. Bul platforma adam, uıym, kólik jáne t.b. týraly birneshe derek kózderin jınaý jáne sıntezdeý arqyly jasyryn qaterlerdi anyqtaýǵa kómektesedi.

- Siz mektep qabyrǵasynda qandaı oqýshy boldyńyz? Kóbine qandaı pánderdi qyzyǵyp oqydyńyz?

- Shyny kerek, ózimdi jaqsy oqydym dep maqtanbaımyn. Biraq, mektep muǵalimderine óte rızamyn. Sebebi, ustazymnyń arqasynda matematıkany jaqsy kórdim. Ol meniń ómirimdegi eń jaqsy muǵalim dep aıtqym keledi.

- Mamandyǵyńyzdaǵy eń qıyndyq týdyratyn tustar dep neni aıtar edińiz?

- Bul salada mindetti túrde tótenshe jaǵdaılarda tynyshtyqty saqtaý jáne tipti stress jaǵdaıynda bolsa da obektıvti oılana bilýińiz qajet. Kez-kelgen bıznes - bul kóptegen jumys jáne siz táýekelge barýyńyz kerek. Óz-ózińizdi ustaý jáne jaǵdaı sizdiń jaǵyńyzda bolmasa da, sheshimdi áreket etý basty qaǵıda bolyp sanalady.

- Siz týraly jaǵymdy jańalyq halyq arasyna keń tarap, túrli saıttar  men gazetter siz jaıly jarysa jazdy. Osyndaı sátte ózińizdi qalaı sezindińiz?

- Men úshin qazaqstandyqtardan osyndaı qoldaýdy kórý óte jaǵymdy boldy. Men óz halqymdy óte jaqsy kóremin jáne olardyń úmitterin úzbeý úshin jaýapkershilikti sezinemin.  Qudaıǵa degen tereń rızashylyqty sezindim.

- Aıtpaqshy, siz qazir Amerıkadasyz. Qazaqstan men Amerıkanyń bilim júıesinde qandaı aıyrmashylyqty baıqadyńyz?

- Meniń oıymsha, Qazaqstanda orta bilim Amerıkaǵa qaraǵanda jaqsy dep oılaımyn. Myqty irgetasy qalanady jáne bizge eresek ómirde óte mańyzdy bolyp tabylatyn tártipti bala kezden bastap úıretedi. Amerıka Qurama Shtattarynda joǵary bilimniń artyqshylyǵy bolýy múmkin. Biraq árdaıym akademıalyq bilimniń arqasynda emes, kóbinese ashylatyn atmosfera men múmkindikterdiń arqasynda, sondaı-aq búkil álemniń adamdarymen jáne mádenıetterimen tanysý bul oılaý kókjıegińiz ben dúnıetanymyńyzdy aıtarlyqtaı keńeıtedi.

- Jobańyzdy óz elimizde júzege asyrý josparyńyzda bar ma?

- Iá, qazirgi ýaqytta biz Qazaqstannyń ártúrli uıymdarymen kelissózder júrgizip jatyrmyz!

- Esińizde bolsa sońǵy ret qandaı kitap oqydyńyz? Qandaı janrlardaǵy kitaptardy oqyǵan unaıdy?

- Men hrıstıanmyn, sondyqtan men Kıeli kitapty jıi oqımyn jáne kishipeıildilik, adamdarǵa kómektesý sıaqty ilimderdi ómirimde qoldanýǵa tyrysamyn. Gaı Kavassakıdiń ınovasıa týraly, Saımon Sınektiń kóshbasshylyq týraly kitaptaryn oqydym.

- Alǵa qoıǵan qandaı josparlaryńyz bar?

- Alda qoıǵan kóptegen josparlarym bar. Men úshin damýdyń kóptegen keremet múmkindikteri ashylýda. Sondaı-aq, meniń jaqyn arada júzege asatyn josparlaryma keıbir qazaqstandyq kompanıalarǵa óz ónertabystaryn álemdik deńgeıge shyǵarýǵa kómektesý kiredi.

- Gazetimizdiń jas oqyrmandaryna, sonyń ishinde bolashaq jas ǵalymdarǵa qandaı keńes aıtar edińiz?

- Men oqyrmandarǵa eń aldymen adamdarǵa kómektesýge, múmkindiginshe kóp paıda ákelýge tyrysýǵa keńes berer edim. Sol sıaqty, eshqashan tyrysýdan jáne qatelesýden qoryqpańyz. Árbir áreket pen kez-kelgen qatelik jeńiske jeteleıtin qadam. Barlyǵyńyzǵa sáttilik tileımin!

- Suqbatyńyzǵa raqmet!

Altynaı BAÝYRJANQYZY

«Ulannyń» jas tilshisi

---