InfoHub Logo

NIS halyqaralyq bakalavrıat mektebiniń 12-synyp oqýshysy Aıda Davletova Respýblıkalyq pándik olımpıadada Geografıa páninen altyn medal ıegeri atandy. Jas olımpıadashyny tartysty báıgege daıyndaǵan jetekshileri men trenerleri Merýert Omralına jáne Laýra Abdezımova.

Olımpıadanyń maqsaty men mindetteri – oqýshynyń jeke tulǵa retinde ózin-ózi qalyptastyrýda shyǵarmashylyq qabiletterin damytý, teorıalyq bilim men praktıkalyq daǵdylaryn tereńdetýin júzege asyrýyna yqpal etý, daryndy balalardy anyqtaýǵa jaǵdaı jasaý, oqýshylardy halyqaralyq olımpıadalarǵa qatysýǵa irikteý jáne daıyndaý, sondaı-aq, Qazaqstan Respýblıkasyndaǵy bilim berý júıesiniń bedelin arttyrý.

Aıta keteıik, Respýblıkalyq olımpıadanyń qorytyndysy boıynsha NIS quramasy qaıtadan elimizdiń eń úzdik komandasy atandy. Jaratylystaný-matematıkalyq baǵyttaǵy pánderden respýblıkalyq olımpıadanyń qorytyndysy boıynsha besinshi ret «Nazarbaev Zıatkerlik mektepteri» DBBU quramasy elimizdiń «Eń úzdik olımpıadalyq komandasy» dep tanyldy. 

 

---