InfoHub Logo

Mektep bitirýshi árbir oqýshynyń aldynda mańyzdy qadam turady, ol árıne mamandyq tańdaý. Men 2017 jyly orta mektepti úzdik bitirgennen keıin bolashaq mamandyǵymdy QazUÝ ýnıversıtetinen aqparattyq júıeleri fakúlteti boıynsha «Aqparattyq qaýipsizdik júıesi»mamandyǵyn tańdadym. Osyndaı mańyzdy tańdaý jasar aldynda eń aldymen mamandyqtyń ózektiligine mán berdim. Qazirgi aqparattardyń damyǵan zamanynda aqparattyq qaýipsizdik júıesi suranysqa ıe mamandyqtardyń biri ekenine kózimdi jetkizdim. Kıberqaýipsizdikke únemi ósip kele jatqan qaterlerdiń aıasynda kompanıalar men uıymdar ózderiniń derekteri men aqparattyq júıeleriniń qaýipsizdigi men qorǵalýyn qamtamasyz ete alatyn kásibı mamandardy qajet etedi.

Ál-Farabı atyndaǵy QazUÝ ýnıversıtetinde aqparattyq qaýipsizdik júıesi salasynda sapaly bilim alýǵa bolady. Bul mamandyq boıynsha oqý baǵdarlamasy stýdentterge aqparat pen derekterdi tıimdi qorǵaý úshin qajetti tehnıkalyq jáne praktıkalyq daǵdylardy úıretýge arnalǵan. Aqparattyq qaýipsizdik júıelerin oqıtyn stýdentter aqparattyq qaýipsizdik, krıptografıa, derekter bazasy,  jelilerdegi aqparattyq qaýipsizdik júıeleri jáne t.b. taqyryptardyń keń aýqymyn oqı alady. Olar aqparattyq qaýipsizdik salasynda qoldanylatyn ártúrli quraldar men tehnologıalarmen tájirıbe jınaqtaıdy. Mysaly, taldaý jáne zıandy baǵdarlamalardy anyqtaý quraldary, vırýstardan qorǵaý baǵdarlamalyq qamtamasyz etý jáne t.b. baǵyttar boıynsha tájirıbe almasap otyrady.

Sonymen qatar, ál-Farabı atyndaǵy QazUÝ ýnıversıteti myqty ǵylymı bazaǵa ıe jáne aqparattyq qaýipsizdik salasyndaǵy úzdik mamandarmen seriktestik qatynasta. Bul stýdentterdiń sarapshylardan bilim alýǵa, keńester men nusqaýlar alýǵa, ǵylymı jobalar men konferensıalarǵa qatysýǵa múmkindik beredi. Túlekter aqparattyq tehnologıalar, bank isi, memlekettik organdar jáne basqa da kóptegen salalarda jumys jasaı alady. Sonymen qatar, olar bilimi men biliktiligin tereńdetý úshin magıstratýra men doktorantýrada oqýyn jalǵastyra alady.

Stýdentter tehnıkalyq daǵdylardan basqa, jobalardy basqarý, komýnıkasıa daǵdylary, analıtıkalyq daǵdylar jáne máselelerdi sheshý sıaqty keń aýqymdy quzyretterge ıe bolady. Osynyń barlyǵy olardyń komandada jumys isteı alatyn jáne aqparattyq qaýipsizdik salasynda jaýapty sheshimder qabyldaı alatyn paıdaly maman bolyp qalyptasýyna kómektesedi.

Qorytyndylaı kele, aqparattyq qaýipsizdik júıeleri qazirgi álemdegi óte keń taralǵan jáne mańyzdy sala bolyp tabylady. Tehnologıalar men kıberqaýipsizdik qaterleriniń jyldam ózgerý jaǵdaıynda aqparattyq qaýipsizdik mamandaryna suranys artyp keledi. Jalpy alǵanda, mamandyq Qazaqstannyń kóptegen ýnıversıtetterinde oqytylady. Sonyń ishinde, ál-Farabı atyndaǵy QazUÝ ýnıversıtetinde aqparattyq qaýipsizdik júıesi mamandyǵy boıynsha oqytý stýdentterge sapaly bilim alýǵa jáne derekter men aqparattyq júıelerdi kıberqaýipterden qorǵaý joldaryn úırenýge múmkindik beredi. Bul osy qarqyndy damyp kele jatqan salada kóptegen mansaptyq múmkindikter men tabystarǵa jol ashady. Sondyqtan, ál-Farabı atyndaǵy QazUÝ ýnıversıtetiniń aqparattyq qaýipsizdik júıesi mamandyǵy boıynsha oqý – osy salada kóp suranysqa ıe jáne bolashaǵy zor mansapty qalaıtyndar úshin tamasha tańdaý ekenine senimdimin.

Zakenova Aıjan QazUÝ ýnıversıtetiniń 1 kýrs magıstranty, Aǵa oqytýshy Orazbaeva A.S

---