InfoHub Logo

Batys Qazaqstan oblysy, Oral qalasy,
A. S. Makarenko atyndaǵy № 6 jalpy orta bilim beretin mektebiniń
5 «G» synyp oqýshysy Ótepkalıev Nurjan Erboluly 11jasta
Qatysatyn báıgesi: shyǵarma konkýrsy (shyǵarma jazýdan)
Taqyryby: «Bolashaqta kim bolam?»
Qazaq tili pániniń muǵalimi: Rakısheva Mırgýl Erbolatovna

«Bolashaqta kim bolamyn?»
Men Batys Qazaqstan oblysy, Oral qalasyndaǵy A. S. Makarenko atyndaǵy №6 jalpy orta bilim mektebiniń 5 «G» synybynda oqımyn. Ózim orys mektebinde bilim alǵanymmen qazaq tilinde erkin sóıleımin, óıtkeni, qazaq tili – meniń qanymmen birge bitken óz ana tilim ári biz úıde otbasymyzben tek qazaq tilinde sóılesemiz. Men sol úshin maqtanamyn, óıtkeni ár adam óz ana tilin jete bilý kerek dep oılaımyn. Bir kúni qazaq tilinen sabaq beretin muǵalimim osy taqyrypta shyǵarma jazýdy tapsyrǵanda, men qýana kelistim.
Iá, ár adamnyń armany bolady ǵoı, meniń de balalyq armandarym óte kóp. Armansyz adam bolmaıdy. Arman adamǵa qanat bitiredi. Meni óskende kim bolamyn, qandaı mamandyqty tańdaımyn degen suraqtyń tolǵandyratyny ras. Mamandyq tańdaý mektep qabyrǵasynan bastalady. Mamandyq tańdaý - ómirińniń bir kirpishin durys qalaý. Mamandyq tańdaý degen óziń aınalysqyń keletin jumysty tańdaý ǵana emes, óziń aralasqyń keletin ortany da tańdaý. Qazaq"Adam eki túrli jaǵdaıda qatelespeý kerek: biri - jar tańdaǵanda, ekinshisi – mamandyq tańdaǵanda" dep beker aıtpasa kerek.
Ásempaz bolma árnege,
Ónerpaz bolsań arqalan.
Sen de bir kirpish dúnıege,
Ketigin tap ta bar qalan,- dep, Abaı atamyz aıtqandaı, ómirden óz ornymyzdy taýyp, adal eńbek etý ár adamnyń armany dep oılaımyn. Árıne, ár adamnyń da tańdaýy ár túrli. Biri muǵalim bolsa, ekinshisi – dáriger, keıbiri bıshi, ánshi mamandyqtaryn tańdap jatady. Meniń oıymsha, mamandyqtyń jamany bolmaıdy, tek adam balasy ózine unaıtyn, ózi jan - tánimen qalaıtyn mamandyqty tańdaý kerek sıaqty. Mamandyq tańdaýda qatelesýge bolmaıdy, óıtkeni árbir adamnyń bolashaǵy tańdaǵan mamandyǵyna baılanysty bolmaq. Adam ózi tańdap alǵan mamandyǵyn jaqsy kórip, shyn peıilmen atqarsa ǵana, sol eńbeginiń jemisin kóredi. Keıbir kishkentaı balalar men óskende fýtbolshy bolam, júrgizýshi bolam dep armandap aıtyp jatady ǵoı. Al men kishkentaı kezimnen bolashaqta tek dáriger bolamyn dep armandap kelemin. Óıtkeni, dáriger bolý – meniń armanym. Bolashaqta dáriger bolyp, adamdarǵa kómekteskim keledi. Adamdardyń densaýlyqtaryn tekserip, emdep, olardyń júzderindegi qýanyshty kórgim keledi. Bilimdi, meıirimdi dáriger bolyp, olardyń ómirge degen qulshynystaryn arttyrǵym keledi. Árıne, dáriger bolý – jaýapty mamandyq. Bul mamandyqty tańdaı otyryp, sen adam ómiri úshin úlken bir jaýapkershilikti moınyńa alasyń. Dáriger bolýdy úlken mártebe dep bilemin. Meniń qolymnan dáriger bolý keledi, men bul armanyma qol jetkizýge tyrysatyn bolamyn. Ol úshin men eń aldymen sabaǵymdy jaqsy oqyp, medısınalyq ýnıversıtetke túsýim qajet. Menińshe, dáriger bolý meniń qolymnan keledi. Eń bastysy, adam eńbekke qabiletti, zeıindi bolýy qajet jáne onyń mamandyǵy ózin qorshaǵan ortaǵa mańyzdy, baǵaly úles qosatyndaı bolýy shart. Óz isine senimdi, mamandyǵyn súıip tańdaǵan adam ǵana jetistikke jetedi. Adam eńbeginen qýanysh taba bilse ǵana, shabyty arta túsedi. Zor yqylas, shabytpen istelgen is bıigine jetkizetin qanat. Men ózimniń qalaǵan maman ıesi bolamyn! Men ózime senemin!...