InfoHub Logo

Osy máseleni negizge ala otyryp, memleketimizdegi «Dintaný»  mamandyǵyn támamdaǵan, dinniń damýynyń qyr-syryn meńgergen bilimdi de, bilikti mamandardyń  qajettiligi   ózekti bolyp turǵandyǵy anyq. Sondaı dintanýshy mamandardy daıarlaıtyn mekemelerdiń biri retinde ál-Farabı atyndaǵy Qazaq ulttyq ýnıversıtetin aıtyp ketýge bolady. Dástúrliligi men jańashyldyǵy qatar kele jatqan qara shańyraqta «Dintaný» mamandyǵyn daıarlaý úsh deńgeıde, ıaǵnı bakalavrıat, magıstratýra, doktorantýra deńgeılerinde qamtylady. Ál-Farabı at. QazUÝ-niń stýdenttentterinde múmkinshilik óte joǵary. Olar akademıalyq utqyrlyq arqyly sheteldik oqý oryndarynda bilim alyp kelýge, ǵylymı tájirıbemen almasý múmkindigine ıe bolýmen qatar, ýnıversıtettiń arnaıy shaqyrtýymen keletin sheteldik profesorlardyń dáristerine de qatysa alady.  Bul oqý ordasyn támamdaǵan dintanýshy maman dindi ǵylymı-zaıyrlylyq turǵydan zertteıdi. Bolashaqta ol orta bilim beretin jáne arnaıy mamandandyrylǵan mekemelerde, din salasy boıynsha sarapshy qyzmetinde, İİM, terorızmmen jáne ekstremızmmen kúresý ortalyqtarynda, ǵylymı-zertteý ortalyqtarynda, dinı saraptaýdy taldaý jáne monıtorıń jasaý ortalyǵynda qyzmet atqara alady.