InfoHub Logo

Afrıkanyń 30-dan astam eli, birqatar Azıa jáne aral elderi álemdegi eń az damyǵan elderdiń tizimine endi. Bul týraly Birikken Ulttar Uıymynyń Saýda jáne damý jónindegi konferensıasynda (IýNKTAD) nashar damyǵan elder týraly baıandamada aıtylǵan.

Tizimde 47 memleket bar. Bul negizinen Afrıka elderi, onyń ishinde Angola, Benın, Býrkına-Faso, Býrýndı, OAR, Chad, Kongo Demokratıalyq Respýblıkasy, Djıbýtı, Erıtreıa, Efıopıa, Gambıa, Madagaskar, Malı, Sýdan, Ońtústik Sýdan, Ýganda, Zambıa jáne basqalar. Sondaı-aq tizimge Muhıt araldary Kırıbatı, Tývalý, Vanýatý, Solomon kirdi. Úshinshi top — Azıa elderi: Aýǵanstan, Bangladesh, Kambodja, Laos, Mánma, Nepal, Iemen jáne Býtan.

«Biz barlyq elderdi úsh krıterıı boıynsha taldaımyz», — dep túsindirdi IýNKTAD ókili Shantal Karpente, — «Birinshiden, bul jan basyna shaqqandaǵy tabys, biz bul kórsetkishi 1230 dollardan tómen elderdi qarastyramyz.

Biraq bizge basqa da kórsetikshter qajet, óıtkeni óte kishkentaı elder bar jáne eger olardyń azamattarynyń biri, mysaly, fýtbolshy bolyp memleketten ketse, óte úlken jalaqy alatyn bolsa, onda bul búkil memlekettiń kórsetkishin ózgertedi», — dedi ol.

«Sondyqtan biz sonymen qatar tamaqtaný, densaýlyq, bilim jáne saýattylyq kórsetkishterine negizdelgen adam resýrstarynyń álsizdik krıterııin jáne ekonomıkasynyń osal tustaryn ıaǵnı klımattyq, aýyl sharýashylyq, ekonomıkalyq kórsetkishterin, tabıǵı apatqa ushyraý jaǵdaıyn taldaımyz», — deıdi ókil. 

Osy esep negizinde jáne turaqty damý maqsattaryn basshylyqqa ala otyryp, BUU osy elderdiń basshylaryna jaǵdaıdy jaqsartý boıynsha usynystar ázirleýde. Eń alǵash baıandama qurylǵan ýaqyttan teris reıtıń tiziminen tek bes memleket qana shyqty — Botsvana, Kabo-Verde, Ekvatorlyq Gvıneıa, Maldıvter jáne Samoa.

Kerimsal Jubatqanov, tarıh ǵylymdarynyń kandıdaty

Oqýǵa keńes beremiz:

BUU kúni: uıymnyń halyqaralyq quramynyń tarıhy jáne onyń resmı tilderi

Álemniń qaı elderi «sátsiz memleketter» dep tanyldy

---