InfoHub Logo

Aqmola dýanbasylarynyń bireýi Ybyraı tóreniń úıinde Súıindik eliniń basty adamdary tústenip otyrady. Daladan úıge úreılene qorqyp júgirip engen bir bala:

— Ata, ústi qyp-qyzyl jún, moınynda salpyldaǵan temirleri, naızasy bar, túıedeı úlken kisi túsip jatyr, — deıdi.

Úıdegiler ony «dýana bolar» dep joramaldaǵanda, álgi úlken adam alshań basyp kirip kelipti. Shubyrtpaly Aǵybaı batyr eken. Jylqy taıjaqysyn kıip, saýyt-saımanyn syrtyna asynǵan.

Úıdegiler jabyrlaı ushyp kelip oryn berisedi. Al dýanbasy Ybyraı ony tanymaǵansyp:

— Ýa, qonaqtar, myna tondyń kim edi, sonsha abyrjydyńdar? — deıdi.

Aǵybaı batyr sonda Ybyraıǵa tóne qarap, bir tizerlep otyra qalypty. Qanjaryn sýyryp ap:

— Úıge kelgen tondy ma,
Tondy kesir boldy ma?
Buqarany qor tutyp,
Ózin zor tutqan,
Tóre tuqymy ońdy ma?

Osy qylyǵyń úshin seniń kázir búıirińdi tesip, búıregińdi alsam ba eken, basyńdy kesip, tabanyma salsam ba eken? — dep tura umtylǵanda, dýanbasy Ybyraı sasqanynan jylap jiberipti. Úıdegiler batyrǵa jalynyp, ázer arashalaıdy.

Dýanbasy Ybyraı aıyby úshin osy joly Aǵybaıǵa tulpar at berip, qamqa ton jaýyp, zorǵa tiri qalǵan desedi qarttar.

---