Qyz kóretin jigitti biz kóreıik
Balqashtaǵy saryúısinderdiń bir seri jigiti rýly elden qyz tańdap, jaqtyrmapty. Aqyry Qýdaǵy qarakesek, shanshar aýyldarynyń birine keledi. Munda bir orta sharýa adamynyń tórt qyzy birdeı sulý, sheshen eken. Jerles jigitter qansha qyzyǵyp, qumartsa da óner asyra almaı, sóz aıta almaı júripti.
Úısin jigit qonǵan úıiniń ıesi jón suraǵanda: «qyz kóreıik dep edik» dese kerek. Shanshardyń tórt sulý qyzy ony túnde sezip, tańerteń «qyz kóretin jigitti biz kóreıik» dep, qonaqtar aq otaýda otyrǵanda ózderi kirip keledi. Tórdegi serini baıqasa, murny qońqaq, jaǵy sopaqtaý eken.
Tórt qyzdyń birinshisi turyp:
— Bárekeldi, mine, muryn, — deıdi.
Ekinshi qyz turyp oǵan:
— Kórgen joq pa eń budan buryn? — deıdi.
Úshinshi qyz turyp:
— Óziniń ústine shyǵyp qaraýyl qarar ma edi, — deıdi.
Tórtinshi qyz turyp sonda:
— E, qarasa, kóriner edi Semeıden Omby buryn, — depti.
Qyz tańdaǵan jigit betinen oty shyǵyp, úndeı almaı, qaıtyp ketipti.
You Might Also Like
-
Bir jalqaý dalada jaıaý júrgende súrinip jyǵylypty. Biraz júrgennen keıin taǵy da jyǵylady. Ornynan turmaı jatyp:
-
Aqmola dýanbasylarynyń bireýi Ybyraı tóreniń úıinde Súıindik eliniń basty adamdary tústenip otyrady. Daladan úıge úreılene qorqyp júgirip engen bir bala:
