InfoHub Logo

Aqmola qalasynyń tóńiregindegi kereı rýlarynyń bir aýlynda aýqatty bireýdiń kempiri kenet qaıtys bolady. Aýyl adamdary aıaýly báıbisheni taza arýlap, tereń jerleýge kirisedi.

Jurt qabir qazyp jatqanda tóskeıden úsh jolaýshy burylyp kelip:

— Ýa, kómer kóbeısin! — desedi.

Kereı jigitteri bul sózge qatty namystanyp shamdandy.

— Biz bir kempirdi qoıa almaı áýrelenip jatqanda, búkil jurtqa ólim tilep, «kómer kóbeısin» degeniń ne? — dep úsh jolaýshyny bas salyp sabaıdy.

Kereı jigitteriniń astynda soqqyǵa jyǵylǵan úsh jolaýshynyń bireýi sonda:

— Ýa, Kereıler, qoldaryń qandanyp, aýyzdaryń maılanyp tur eken. Bizdi ura túsińder, — depti.

Eldiń aqyl-esti bir qarıasy ara túsip:

— Bular Shanshar qýy eken. Sózine sóz aıtyp utýymyz kerek edi, óıte almadyńdar. «Sóz tapqanǵa qolqa joq». Olar ádeıi bógeý úshin aıtty ǵoı, tımeńder, — dep bosattyryp jiberipti.

---